ចិន ៖ នៅទីក្រុងធំៗរបស់ចិន មានភាពស្ងប់ស្ងាត់នៅថ្ងៃចន្ទនេះ ខណៈប្រជាជនស្នាក់​នៅលំនៅឋានដើម្បី​ការពារខ្លួនពី​ការកើនឡើងករណីឆ្លងវីរុស COVID-19 ដែលវីរុសនេះបណ្តាលឱ្យមនុស្សពីរនាក់ស្លាប់។នៅទីក្រុងសៀងហៃ ចរាចរណ៍ពុំមានភាពចង្អៀតឡើយ ហើយសាលារៀនត្រូវបានបិទ បន្ទាប់ពីអាជ្ញាធរបាននិយាយថា ថ្នាក់រៀនភាគ​ច្រើនគួរតែបង្រៀន​តាមអ៊ីនធឺណិត។ កន្លែងហាត់កីឡា Guang'an នៅទីក្រុងប៉េកាំង ត្រូវបានបង្វែរទៅ​ជាគ្លីនិកព្យាបាល​ជំងឺគ្រុនក្តៅបណ្តោះអាសន្ន មានតង់ពណ៌ខៀវដែល​មនុស្សស្វែងរក​ការព្យាបាលសម្រាប់រោគសញ្ញារបស់ពួកគេ។