អន្ដរជាតិ៖ មន្រ្តីរដ្ឋាភិបាលមួយរូប និយាយថា អ៊ុយក្រែនកំពុងរឹតបន្តឹងការការពារព្រំដែនរបស់ខ្លួនជាមួយបេឡារុស ដោយសារ​ក្តី​កង្វល់ថា រុស្ស៊ីអាចនឹងត្រៀមខ្លួនបើកការវាយប្រហារថ្មី។

លោក Yevhen Yenin គឺជា​អនុរដ្ឋមន្រ្តីក្រសួងមហាផ្ទៃអ៊ុយក្រែន បាននិយាយប្រាប់ BBថា អ៊ុយក្រែននឹង​ពង្រឹង​ការ​ការពារ​ព្រំដែនរបស់ខ្លួនជាមួយបេឡារុស ដោយកងកម្លាំងប្រដាប់អាវុធ និងសម្ភារសឹក។

ការពង្រឹងព្រំដែននេះ បានធ្វើឡើងស្របពេលដែលប្រធានាធិបតីរុស្ស៊ី លោក Vladimir Putin បំពេញទស្សនកិច្ច​ទៅ​កាន់​ទីក្រុង Minsk ដើម្បីជួបពិភាក្សាការងារជាមួយ​ប្រធានាធិបតីបេឡារុស លោក Alexander Lukashenko។ បេឡារុស មាន​ព្រំដែន​រួមជាមួយរុស្ស៊ី ក៏ដូចជាអ៊ុយក្រែន៕