អន្ដរជាតិ៖ យោងតាមសេចក្តីរាយការណ៍ពីទូរទស្សន៍រដ្ឋជប៉ុន NHK បានឲ្យដឹងថា ព្រិលធ្លាក់ខ្លាំងបន្ត​កើត​មាន​នៅតាម​តំបន់​ឆ្នេរ​​នៅ​ភាគខាងជើង និងភាគខាងលិច​ប្រទេសជប៉ុន ចាប់តាំងថ្ងៃទី ១៧ ខែធ្នូរហូតមក ដោយបានសម្លាប់មនុស្ស ១៧នាក់ និង​មនុស្ស ៨៧​នាក់​ផ្សេងទៀត រងរបួស គិតត្រឹមថ្ងៃអាទិត្យម្សិលមិញ។ NHK រាយការណ៍ថា តំបន់ជនបទនៅខេត្ត Niigata មាន​ព្រិលធ្លាក់កម្រាស់ ១.២០ម៉ែត្រ។

ព្រិលដ៏ក្រាស់នេះ បាន​កាត់​ផ្តាច់ចរន្តអគ្គិសនីនៅទូទាំងខេត្ត ចាប់តាំងពីថ្ងៃសៅរ៍រហូតមក ហើយ​ផ្ទះសម្បែង​ប្រជាពលរដ្ឋ​ប្រហែល ២​ពាន់ខ្នង នៅតែ​គ្មាន​​ថាមពលប្រើប្រាស់ គិតត្រឹមល្ងាចថ្ងៃអាទិត្យ៕