អន្ដរជាតិ៖ អគ្គិភ័យបានឆាបឆេះអគាររោងចក្រគីមីកម្ពស់ ២ជាន់​នៅទីក្រុងតូក្យូ ប្រទេសជប៉ុន នាថ្ងៃអង្គារនេះ បណ្តាល​ឲ្យ​រីក​រាល​ដល់ដល់អគារជិតខាង។

រូបភាពវីដេអូឃ្លីបនៅលើបណ្តាញព័ត៌មានសង្គម ឃើញអណ្តាតភ្លើងដ៏ធំ​ និងផ្សែងដ៏ក្រាស់ផុសពីលើអគារ​កំពុង​ឆាប​ឆេះ ស្ថិតនៅចម្ងាយប្រហែល ២.៨គ.ម ពីប៉មអគារ Tokyo Skytree ខណៈដែលប្រជាពលរដ្ឋឈរមើលអគ្គិភ័យ​ពីចម្ងាយ។ យោងតាមសេចក្តីរាយការណ៍ពីទូរទស្សន៍រដ្ឋជប៉ុន NHK បានឲ្យដឹងថា អគ្គិភ័យនេះ បានឆាបឆេះ​នៅវេលាម៉ោង ១០​ព្រឹក ម៉ោងក្នុងស្រុក ត្រូវនឹងម៉ោង ១រសៀល ម៉ោងសកល នៅរោងចក្រផលិតទឹកសាប៊ូ ហើយអគ្គិភ័យ បានរាលដាល​ដល់​អគារ​​ជិតខាងចំនួន ៥អគារ ៕