អន្ដរជាតិ៖ យោធាកូរេខាងត្បូង បានបាញ់កាំភ្លើងព្រមានអស់ប្រហែល ១០០គ្រាប់ ចេញពីឧទ្ធម្ភាគចក្របំពាក់កាំភ្លើងយន្ត ប៉ុន្តែ​មិន​អាចបាញ់ទម្លាក់យានដ្រូនណាមួយបាននោះទេ ខណៈដែលវាហោះរំលងទីក្រុងជាច្រើនរបស់កូរ៉េខាងត្បូងអស់រយៈ​ពេល​ប្រហែល ៥ម៉ោង ដែលរួម​ទាំងទីក្រុងសេអ៊ូលផងដែរ។ ប្រធានាធិបតីកូរ៉េខាងត្បូងលោក Yoon Suk-yeol បាននិយាយប្រាប់ជំនួប​គណៈរដ្ឋមន្រ្តីថា ឧប្បត្តិហេតុនេះ បង្ហាញពីកង្វះខាតច្រើន​នៃការត្រៀមខ្លួន​យោធាកូរ៉េខាងត្បូង និងការហ្វឹកហាត់រយៈពេលជាច្រើន​ឆ្នាំ​កន្លងមកនេះ ហើយវាក៏បានបញ្ជាក់យ៉ាងច្បាស់ពីតម្រូវ​ការ​ត្រៀម​ខ្លួន​ និងការហ្វឹកហាត់បន្ថែមទៀត៕