​រុស្ស៊ី៖ អតីត​ប្រធានាធិបតី​រុស្ស៊ីលោក Dmitry Medvedev ដែល​ជាស​ម្ព័ន្ធ​មិត្ត​ស្មោះត្រង់​របស់លោក​ប្រធានាធិបតី Vladimir Putin ត្រូវបាន​ផ្ដល់​ការងារ​ថ្មី​មួយ​នៅ​សប្ដាហ៍​នេះ បាន​ព្យាករណ៍​សង្គ្រាម​រវាង​អាល្លឺម៉ង់ និង​បារាំងនៅ​ឆ្នាំក្រោយ និង​សង្គ្រាមស៊ីវិល​នៅ​សហរដ្ឋអាមេរិក ដែល​នឹង​នាំ​ឲ្យ​មហាសេដ្ឋី​ជំនួញ​លោក Elon Musk ក្លាយជា​ប្រធានាធិបតី។

​លោក Medvedev ដែលជា​អនុប្រធាន​ក្រុមប្រឹក្សាសន្តិសុខ​ផ្ដល់យោបល់​របស់លោក Putin បាន​កាន់​តំណែង​ជា​ប្រធានាធិបតីអំឡុង​ ៤​ឆ្នាំ​ដែល​កាលនោះលោក Putin បាន​កាន់តំណែង​ជា​នាយក​រដ្ឋមន្ត្រី​។ លោក​ទំនងជា​ត្រូវបាន​គេ​មើលឃើញ​ឡើង​កូដ​នៅក្នុង​វិមាន​ក្រឹម​ឡាំង ដែល​បាន​និយាយ​កាលពី​ថ្ងៃ​ចន្ទ​ថា ពេលនេះលោក​នឹង​កាន់តំណែង​ជា​អនុប្រធាន​របស់លោក Putin ក្នុង​គណៈកម្មការ​ត្រួត​ពិនិត្យ​ឧស្សាហកម្ម​យោធា។

​នៅ​ក្នុង​តារាង​នៃ​ការ​ព្យាករណ៍​របស់លោក​សម្រាប់​ឆ្នាំ​២០២៣​ ខាងមុខដែល​បានចេញ​ផ្សាយ​នៅ​លើ​បណ្ដាញ Telegram និង​គណនី Twitter ផ្ទាល់ខ្លួន​របស់លោក លោក​ក៏បាន​ទស្សន៍ទាយ​ផងដែរ​ពី​ការចូល​ជា​សមាជិក​ជាថ្មី​ របស់​សហភាព​អឺរ៉ុប​ពី​សំណាក់​ចក្រភព​អង់គ្លេស ដែល​នឹង​បានត្រឹមតែ​ភាពបរាជ័យ​ត្រឡប់មកវិញ​៕

អត្ថបទ៖ សុខមាន