អន្ដរជាតិ៖ ប្រធានាធិបតីស៊ែប៊ី លោក Aleksandar Vucic បានបញ្ជាឲ្យ​ទាហាន និងក្រុមនគរបាល​បង្កើន​ការប្រុង​ប្រយ័ត្ន​ខ្ពស់​បំផុត ដោយសារក្តីបារម្ភថា កូសូវ៉ូ កំពុងត្រៀមខ្លួន​វាយប្រហារទៅលើខ្លួន និង​ដកចេញការបិទផ្លូវ​នៅភាគខាង​ជើង​ប្រទេស។

លោកVucevic បាននិយាយប្រាប់ទូរទស្សន៍ RTS ថា គ្មានហេតុផលត្រូវតក់ស្លុតនោះទេ តែមានហេតុផល​ត្រូវ​ព្រួយ​បារម្ភ។ ចាប់តាំងពីថ្ងៃទី១០ ខែធ្នូ រហូតមកពលរដ្ឋស៊ែប៊ី​នៅតំបន់ភាគខាងជើងកូសូវ៉ូ បានដំឡើងរនាំងបិទផ្លូវ​ចូល និងជុំវិញ​ទីក្រុង Mitrovica និងបានប៉ះទង្គិចដោយអាវុធជាមួយ​ក្រុមនគរបាល បន្ទាប់ពីការចាប់ខ្លួន​អតីតមន្រ្តីនគរបាលស៊ែប៊ីម្នាក់​ ដែល​រងការចោទប្រកាន់ថា បានវាយប្រហារទៅលើក្រុមមន្រ្តីនគរបាលអំឡុង​បាតុកម្មលើកមុន៕