កូរ៉េខាងត្បូង៖ កូរ៉េខាងត្បូងបានធ្វើសមយុទ្ធទ្រង់ទ្រាយធំកាលពីថ្ងៃព្រហស្បតិ៍ ដើម្បីប្រៀបប្រដូចទៅនឹងការបាញ់ទម្លាក់យានដ្រូនទាំងឡាយ ជាជំហានមួយក្នុងការពង្រឹងការត្រៀមខ្លួនប្រឆាំងការបង្ករឿងពីសំណាក់កូរ៉េខាងជើង រយៈពេល ៣ថ្ងៃបន្ទាប់ពីយានដ្រូនកូរ៉េខាងជើងបានហោះហើរចូលទឹកដីរបស់ខ្លួន ជាលើកដំបូងក្នុងរយៈពេល ៥ឆ្នាំ។
យន្តហោះចម្បាំង និង ឧទ្ធម្ភាគចក្ររបស់កូរ៉េខាងត្បូងបានបរាជ័យ ក្នុងការបាញ់ទម្លាក់យានដ្រូនរបស់កូរ៉េខាងជើង សូម្បីតែមួយគ្រឿងដែលបានហោះចូលព្រំដែនកាលពីថ្ងៃចន្ទ មុនពេលហោះបកត្រឡប់ទៅវិញ ឬបាត់ចេញពីប្រព័ន្ធរ៉ាដារបស់កូរ៉េខាងត្បូង។ យានដ្រូនមួយក្នុងចំណោម ៥គ្រឿងបានហោះចូលទៅឆ្ងាយរហូតដល់ភាគខាងជើងទីក្រុងសេអ៊ូល។ នោះបានបណ្តាលឲ្យមានការប៉ះទង្គិចផ្នែកសន្តិសុខ ក្នុងចំណោមមនុស្សជាច្រើននៅភាគខាងត្បូង ដែលយោធាបានសុំការអភ័យទោសជាសាធារណៈដ៏កម្រមួយកាលពីថ្ងៃអង្គារ។ ការហ្វឹកហាត់កាលពីថ្ងៃព្រហស្បតិ៍ មានការចូលរួមពីអាវុធបាញ់យន្តហោះពីដីទៅអាកាស យានដ្រូនដែលដើរតួនាទីសំខាន់បំផ្លាញរបស់សត្រូវ និងយន្តហោះចម្បាំងសរុប ២០គ្រឿង, ឧទ្ធម្ភាគចក្រប្រយុទ្ធ និងយានគ្មានមនុស្សបើកបរ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
