ភ្នំពេញ៖ គណៈកម្មការជាតិ បានពិនិត្យ និងវាយតម្លៃបញ្ជីឈ្មោះទណ្ឌិតស្នើសុំបន្ធូរបន្ថយទោស និង​លើកលែងទោស ​បាន​បញ្ជូន​សំណើជូន​សម្តេចតេជោ ហ៊ុន សែន ​នាយករដ្ឋមន្ត្រី ​ដើម្បី​ពិនិត្យ និង​សម្រេចថ្វាយស្នើសុំព្រះមហាក្សត្រ ផ្តល់ការអនុគ្រោះទោសដល់ ទណ្ឌិតសរុប ចំនួន ២៨៣នាក់ (ស្រី ២៧ នាក់) ។

ឯកឧត្តមបណ្ឌិត គឹម សន្តិភាព រដ្ឋលេខាធិការក្រសួងយុត្តិធម៌ នៅថ្ងៃទី៣០​ ខែធ្នូ ឆ្នាំ ២០២២នេះ បានឱ្យដឹងថា សម្រាប់ទណ្ឌិតដែលថ្វាយស្នើ​បន្ធូរបន្ថយ​ និង​លើកលែង​ទោស ក្នុង នោះរួមមាន​បន្ថយទោស ៣ខែ ចំនួន២១៥នាក់ (ស្រី ១៧ នាក់), បន្ថយទោស៦ខែ ចំនួន ៥៤ ​នាក់ (ស្រី ៩នាក់), បន្ថយទោស ​៩ខែ ចំនួន១១នាក់, ការបន្ថយទោស ​១២ខែ ចំនួន២ នាក់ និង​លើកលែង​ទោស ចំនួន១នាក់ (ស្រី១នាក់) ៕ អត្ថបទ បាន សុខរិទ្ធិ