ភ្នំពេញ៖ ពលរដ្ឋរស់នៅរាជធានីភ្នំពេញ បានត្រៀមខ្លួនរួចរាល់ទៅទទួលការចាក់វ៉ាក់សាំងបង្ការជំងឺកូវីដ-១៩ ដូសជំរុញទី៦ ស្របតាមការប្រកាសរបស់រាជរដ្ឋាភិបាល ។

បន្ទាប់ពីសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា​ បានប្រកាសពីដំណើរ ចាក់វ៉ាក់សាំងដូសជំរុញទី០៦ ​ដល់ប្រជាពលរដ្ឋមានចាប់ពីអាយុ១៨ឆ្នាំឡើងទៅនោះ ​ប្រជាពលរដ្ឋ រស់នៅ រាជធានីភ្នំពេញ ​បានសំដែងការសប្បាយចិត្ត ​និងអរគុណដល់​សម្តេចតេជោ ហើយបាន​ត្រៀមខ្លួនរួចរាល់ ទៅទទួលការចាក់វ៉ាក់សាំង។

ពួកគេបានបញ្ជាក់ប្រាប់BTVនៅថ្ងៃនេះថា ឱ្យតែដល់ថ្ងៃកំណត់ត្រូវចាក់វ៉ាក់សាំងដូសជំរុញទី៦ ​នឹង ទៅភ្លាម ព្រោះថាការចាក់វ៉ាក់សាំងដូសជំរុញ ​នឹងជួយការពារសារពាង្គកាយពីជំងឺកូវីដ-១៩ ហើយ​ម្យ៉ាងទៀត មិនចង់ឲ្យជំងឺនេះរីករាលដាលឡើងវិញនោះទេ ។

ដោយសារការឆ្លងប្រចាំថ្ងៃ នៃជំងឺកូវីដ-១៩ មានការកើនឡើងវិញនោះ​ សម្តេចតេជោ បានសម្រេច​បើកការចាក់វ៉ាក់សាំងដូសជំរុញទី៤ដល់កុមារ ​អាយុ៣ ដល់ក្រោម៥ឆ្នាំ ​ដូសជំរុញទី៥ ​ដល់កុមារ អាយុ៥​ដល់ក្រោម១២ឆ្នាំ ​និងការចាក់ដូសជំរុញទី៦ ជូនមន្ត្រីរាជការជួរមុខ​ អាជ្ញាធរ និង​ប្រជាពលរដ្ឋទូទៅ ​អាយុចាប់ពី១៨ឆ្នាំឡើងទៅ។ ​ដំណើរការចាក់វ៉ាក់សាំងដូសជំរុញទាំងអស់នេះ នឹង​ត្រូវចាប់ផ្តើមក្នុងពេល ឆាប់ៗខាងមុខនេះ ៕អត្ថបទ៖ ទូច សោភ័ណ