អន្ដរជាតិ៖ យោធាសហរដ្ឋអាមេរិក បាននិយាយថា​ យន្តហោះចម្បាំងមួយគ្រឿង​របស់ចិន បានហោះនៅចម្ងាយត្រឹមតែ ៦ម៉ែត្រ​ប៉ុណ្ណោះ ពីយន្តហោះកងទ័ពអាកាសសហរដ្ឋអាមេរិក ធ្វើឲ្យពួកគេហោះគេច ដើម្បីបញ្ចៀសផុត​ពីការប៉ះគ្នា នៅដែនអាកាស​អន្តរជាតិលើសមុទ្រចិនខាងត្បូងកាលពីសប្តាហ៍មុន។

វីដេអូដែលបញ្ចេញក្រសួងការពារជាតិសហរដ្ឋអាមេរិក ឃើញការពើបប្រទះជិតគ្នាបំផុត ដែល​អាមេរិកចាត់ទុកថាជា​ទង្វើ​​ដ៏គ្រោះថ្នាក់បង្កឡើងដោយយន្តហោះយោធាចិន។

យោធាអាមេរិក បាននិយាយនៅក្នុងសេចក្តីថ្លែងការណ៍ថា ឧប្បត្តិហេតុដែលជាប់ពាក់ព័ន្ធ​នឹងយន្តហោះកងទ័ព​ជើង​ទឹក​ចិន J-11 និងយន្តហោះកងទ័ពអាកាសអាមេរិក RC-135 បានកើតឡើង​នៅថ្ងៃទី ២១ ខែធ្នូកន្លងទៅ៕