អន្ដរជាតិ៖ នៅថ្ងៃសុក្រនេះ ប្រជាពលរដ្ឋជាច្រើនរស់នៅក្នុងទីក្រុងប៉េកាំង បានសម្តែងនូវភាពសប្បាយរីករាយរបស់ពួកគេ ចំពោះ​ការធ្វើដំណើរ​ដោយសេរី ក្រោយ​ដកចេញវិធានការរឹតត្បិតជំងឺ COVID-19ដ៏តឹងរឹងបំផុតនៅលើពិភពលោក​ មុន​បុណ្យឆ្នាំចិន​នាពេល​ខាង​មុខនេះ ខណៈពេលដែលពួកគេប្រញាប់ប្រញាល់ឡើងជិះរថភ្លើង និងយន្តហោះ។

រយៈពេល ២ឆ្នាំកន្លងមកនេះ កម្មករចំណាកស្រុកជាច្រើននៅទូទាំងប្រទេសចិន បានចំណាយពេល​បុណ្យចូលឆ្នាំចិន ឆ្ងាយពីស្រុកកំណើតរបស់ខ្លួន ដោយសារតែវិធានការទប់ស្កាត់ជំងឺ COVID-19 ប៉ុន្តែ​ នៅបុណ្យចូលឆ្នាំចិននាពេលខាងមុខនេះ ដែលនឹងចាប់ផ្តើមនៅថ្ងៃទី ២២ ខែមករា ឆ្នាំ២០២៣ ពួកគេអាចធ្វើដំណើរទៅលេងផ្ទះ ដោយពុំចាំបាច់ធ្វើតេស្ត PCR ឬដាក់​ខ្លួនឯងនៅឲ្យនៅដាច់ដោយឡែកនោះឡើយ៕