កំពត៖ នៅព្រឹកថ្ងៃទី ៣១ ខែធ្នូ ឆ្នាំ២០២២នេះ នៅតាមផ្លូវជាតិធំនៅក្នុងខេត្តកំពត មានភាពមញឹកខ្លាំង ជាងថ្ងៃម្សិលមិញ។ ក្នុងនោះនៅលើផ្លូវជាតិលេខ៣ ពីភ្នំពេញ​ចូលមកទីរួម​ខេត្តកំពត គេសង្កេតឃើញភ្ញៀវទេសចរ ​ធ្វើដំណើរតាមយានយន្តគ្រប់ប្រភេទ បន្តកន្ទុយគ្នា​យ៉ាង​យ៉ាងច្រើនកុះករ​ តាំងពីខាងមុខក្លោងទ្វារចូលខេត្ត រហូតដល់ផ្សារសាមគ្គី​ ដើម្បីមកចូលរួម​សម្រាក​លម្ហែឆ្លងឆ្នាំនៅខេត្តកំពត ។

ក្នុងនោះដែររដ្ឋបាលខេត្តបានរៀបចំកម្មវិធីសប្បាយៗ​ជាច្រើន ​ដូចជា​ប្រណាំងទូក​នេសាទ ការ​ជិះម៉ូតូហោះលើអាកាស ​ការ​ប្រកួត​គុន​ល្បុក្កតោ​ ការប្រគុំតន្ត្រី៣កន្លែង និង​ការ​បាញ់កាំជ្រួច​ផងដែរ៕