អ៊ីតាលី៖ សម្តេចប៉ាប Francis បានប្រារព្ធទិវាសន្តិភាពពិភពលោក តាមប្រពៃណីរបស់ព្រះវិហាររ៉ូម៉ាំងកាតូលិកកាលពីថ្ងៃអាទិត្យ ប៉ុន្តែការចាប់ផ្តើមនៃឆ្នាំថ្មីនៅបុរីវ៉ាទីកង់ត្រូវបានគ្របដណ្ដប់ ដោយការសោយទិវង្គតរបស់សម្តេចប៉ាបកាន់តំណែងមុនព្រះអង្គគឺសម្តេចប៉ាប Benedict ទី១៦។
សម្តេចប៉ាប Francis បានយាងជាអធិបតីក្នុងពិធីដ៏ធំមួយនៅព្រះវិហារ St. Peter's Basilica ខណៈព្រះសពរបស់សម្តេចប៉ាប Benedict ដែលបានសោយទិវង្គតកាលពីថ្ងៃសៅក្នុងព្រះជន្មាយុ ៩៥ ត្រូវបានរៀបចំឡើងរយៈពេល ៣ថ្ងៃសម្រាប់ការឲ្យចូលគោរពនៅព្រះវិហារតែមួយ ដោយចាប់ផ្តើមពីថ្ងៃចន្ទនេះ។ សម្តេចប៉ាប Francis បានអំពាវនាវឱ្យមានសន្តិភាព ដោយសំដៅទៅលើប្រទេសដែលហែកហួរដោយសង្គ្រាម រួមទាំងប្រទេសអ៊ុយក្រែន ជាកន្លែងដែលរុស្ស៊ីបានបន្តការវាយប្រហារយ៉ាងខ្លាំងនៅថ្ងៃចូលឆ្នាំថ្មី៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
