អន្ដរជាតិ៖ ស្របពេលដែលតំបន់ជាច្រើន​នៅក្នុងប្រទេសចិន រងផលប៉ះពាល់ដោយសារ​ការហក់ឡើងខ្ពស់​ករណីឆ្លងជំងឺ COVID-19 បុគ្គលិកសុខាភិបាលនៅតាមមន្ទីរពេទ្យ​ក្នុងស្រុក ប្រឹងប្រែងអស់ពីសមត្ថភាព​របស់ខ្លួន ដើម្បីព្យាបាលអ្នកជំងឺឲ្យ​បានទាន់​ពេលវេលា ជា​ពិសេស​សម្រាប់អ្នកជំងឺស្ថិតក្នុងស្ថានភាពធ្ងន់ធ្ងរ។

មន្ទីរពេទ្យជាច្រើន ប្រើប្រាស់​យ៉ាងសកម្មធនធាន​របស់ពួកគេ និងបន្ថែមគ្រែ​ ខណៈដែលពួកគេ​ព្យាយាម​សង្រ្គោះអាយុ​ជីវិតមនុស្ស និងព្យាបាលអ្នកជំងឺធ្ងន់ធ្ងរ។ នៅទីក្រុង Harbin រដ្ឋធានីខេត្ត​ភាគឦសាន Heilongjiang មន្ទីរពេទ្យ Harbin Medical University បានបន្ថែម​គ្រែសង្រ្គោះបន្ទាន់ និងបំពង់អុកស៊ីសែន ដើម្បីទប់ទល់​ការហក់ឡើងខ្ពស់​ចំនួនអ្នកជំងឺ COVID-19 បើទោះបីជាពួកគេខ្វះខាត​បុគ្គលិក​ដោយសារតែការឆ្លងជំងឺក៏ដោយ៕