ជិត៣០ឆ្នាំ អូស្រ្តាលី ផ្ដល់ជំនួយជាង ១០០លានដុល្លារ ដល់កម្ពុជាសម្រាប់បោសសំអាតមីន

2023/01/03 05:36:12 pm        102

ភ្នំពេញ៖ ក្នុងរយៈពេលជិត ៣០ឆ្នាំ គឺចាប់ឆ្នាំ១៩៩៤មក ប្រទេសអូស្ត្រាលី បានផ្ដល់ថវិកាចំនួន ប្រមាណជាង ១០០លានដុល្លារអាមេរិក ដល់ប្រទេសកម្ពុជា ដើម្បីធ្វើការងារក្នុងវិស័យមីន និងបានរំដោះផ្ទៃដីចម្ការមីន បានប្រមាណ ២៥០គីឡូម៉ែត្រក្រឡា ហើយកម្ពុជា​បានស្នើដល់ អូស្ត្រាលី បន្តជួយផ្ដល់ជំនួយបន្ថែមទៀត លើការងារវិស័យមីននេះ ។

ក្នុងជំនួបជាមួយឯកឧត្តម Pablo Kang ឯកអគ្គរដ្ឋទូតផុតអាណត្តិអូស្រា្តលី ប្រចាំនៅ កម្ពុជា នៅថ្ងៃទី៣ ខែមករា ឆ្នាំ២០២២ ឯកឧត្តមទេសរដ្ឋមន្ត្រី លី ធុជ អនុប្រធានទី២អាជ្ញាធរ មីន មានប្រសាសន៍ថា ក្នុងនាមរាជរដ្ឋាភិបាលកម្ពុជា បានវាយតម្លៃខ្ពស់ ចំពោះទំនាក់ទំនង យ៉ាងជិតស្និទ្ធរវាងប្រទេស និងប្រជាជនទាំងពីរ និងថ្លែងអំណរគុណដ៏យ៉ាងជ្រាលជ្រៅ ជូន ចំពោះរដ្ឋាភិបាល និងប្រជាជនអូស្រ្តាលី ដែលបានចូលរួមក្នុងការស្វែងរកសុខសន្តិភាព និង ការអភិវឌ្ឍនៅកម្ពុជា ចាប់តាំងពីឆ្នាំ១៩៩២ និងចូលរួមដល់ការងារបោសសម្អាតមីនមនុស្ស ធម៌នៅកម្ពុជាចាប់តាំងពីឆ្នាំ១៩៩៤ ។

ឯកឧត្តមទេសរដ្ឋមន្រ្តីបន្តថា ចាប់តាំងពីឆ្នាំ១៩៩៤ អូស្រ្តាលី បានចូលរួមដល់ការងារ បោស សម្អាតមីនមនុស្សធម៌នៅកម្ពុជាយ៉ាងសកម្ម និងបានផ្តល់ជំនួយជាង ១០០លានដុល្លារ អាមេរិក ដោយរំដោះបានផ្ទៃដីប្រមាណជា ២៥០គីឡូម៉ែត្រក្រឡា សម្រាប់ផ្តល់សុខសុវត្ថិភាព និងលើកកម្ពស់ជីវភាពរបស់នៅជូនប្រជាជន នៅតាមមូលដ្ឋានប្រមាណជាង ១លាននាក់ ។

ឯកឧត្តម លី ធុជ បានចាត់ទុកប្រទេសអូស្រ្តាលី គឺជាដៃគូមួយយ៉ាងសំខាន់ ក្នុងការងារ បោសសម្អាតមីន ព្រមទាំងបានស្នើសុំឲ្យ​រដ្ឋាភិបាលអូស្រា្តលី បន្តបន្ថែមថវិកាជួយដល់កម្ពុជា ដើម្បីបញ្ចប់ការងារបោសសម្អាតមីន នៅឆ្នាំ២០២៥ និងជួយដោះស្រាយ​ហានិភ័យ​ពីសំណល់ ជាតិ ផ្ទុះពីសង្រ្គាមក្រោយឆ្នាំ២០២៥ផងដែរ ។

ឯកឧត្តមអនុប្រធានទី១អាជ្ញាធរមីន បានបន្ថែមថា បន្ទាប់ពីបញ្ចប់ការងារបោសសម្អាត មីន ក្នុងគម្រោងសម្តេចតេជោសម្រាប់​សកម្មភាពមីនទាំងស្រុង កម្ពុជានៅសល់ផ្ទៃដីសង្ស័យ មានមីនប្រមាណជា ៥៨៧គីឡូម៉ែត្រក្រឡាទៀត ដែលកម្ពុជាមានមហិច្ឆតា ត្រូវបញ្ចប់ឲ្យអស់ ត្រឹមឆ្នាំ២០២៥ ។

ក្នុងជំនួបនោះ ឯកឧត្តម Pablo Kang បានថ្លែងអំណរគុណចំពោះអាជ្ញាធរមីន ដែល បានផ្តល់កិច្ចសហការយ៉ាងជិតស្និទ្ធ ក្នុង​អាណត្តិបេសកកម្មការទូត របស់ឯកឧត្តមនៅកម្ពុជា ហើយសង្ឃឹមយ៉ាងមុតមាំថា កម្ពុជានឹងអាចសម្រេចនូវគោលដៅរបស់ខ្លួន ក្នុងការបញ្ចប់ ការងារបោសសម្អាតមីននៅឆ្នាំ២០២៥ ។

ឯកអគ្គរដ្ឋទូតអូស្រ្តាលី បានវាយតម្លៃខ្ពស់ ចំពោះកិច្ចខិតខំប្រែងរបស់អាជ្ញាធរមីន ក្នុង ការងារសម្របសម្រួល​វិស័យសកម្មភាព​មីននៅកម្ពុជា ដោយបានទទួលលទ្ធផលជាច្រើនរយៈពេល៣០ឆ្នាំនេះ ៕ អត្ថបទ បាន សុខរិទ្ធិ​​

អត្ថបទដែលទាក់ទង

ឯកឧត្តមសាស្រ្តាចារ្យ ឈាង រ៉ា បើកកិច្ចប្រជុំគណៈកម្មាធិការដឹកនាំគម្រោងពង្រឹងគុណភាពបណ្តុះបណ្តាលមុនពេលបម្រើការងារសម្រាប់មន្រ្តីសុខាភិបាល
2023/12/08 09:39:27 pm        1
សាខាសមាគមនារីកម្ពុជា និងតំណាងគណបក្សចំនួន៥ ប្រគល់អំណោយជូនកាកបាទក្រហមកម្ពុជា
2023/12/08 07:41:27 pm        1
គណៈកម្មាធិការអន្តរក្រសួងចុះពិនិត្យវាយតម្លៃ ការងារថែទាំជាប្រចាំផ្លូវកៅស៊ូរDBSTចំនួន៥ខ្សែ ក្នុងខេត្តពោធិ៍សាត់
2023/12/08 06:40:38 pm        1

បណ្ដាញសង្គម

ព័ត៌មានចុងក្រោយ

​លោក ពូទីន ប្រាប់ទាហានថា លោកនឹងឈរឈ្មោះជាប្រធានាធិបតីម្តងទៀត នៅឆ្នាំ២០២៤

2023/12/08 11:43:33 pm
​ទាហានអ៊ុយក្រែនហ្វឹកហាត់នៅប៉ូឡូញ ដើម្បីត្រៀមសម្រាប់សង្គ្រាមដ៏តានតឹងរដូវរងា
2023/12/08 11:41:46 pm
​វិមានក្រឹមឡាំង៖ គំនិតពាក់ព័ន្ធនឹងកិច្ចចរចាសន្តិភាពតាមលក្ខខណ្ឌរបស់ក្រុងគីវ នៅឆ្នាំ២០២៤ «មិនអាចទៅរួចទេ»
2023/12/08 11:40:38 pm
​ឯកឧត្តមសាស្រ្តាចារ្យ ឈាង រ៉ា បើកកិច្ចប្រជុំគណៈកម្មាធិការដឹកនាំគម្រោងពង្រឹងគុណភាពបណ្តុះបណ្តាលមុនពេលបម្រើការងារសម្រាប់មន្រ្តីសុខាភិបាល
2023/12/08 09:39:27 pm
​សាខាសមាគមនារីកម្ពុជា និងតំណាងគណបក្សចំនួន៥ ប្រគល់អំណោយជូនកាកបាទក្រហមកម្ពុជា
2023/12/08 07:41:27 pm

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2023/12/08 12:48:16 pm
​សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន
2023/12/08 09:44:33 am
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2023/12/08 10:50:57 am
​កម្លាំងកងរាជអាវុធហត្ថរាជធានីភ្នំពេញ ចុះឡោមព័ទ្ធសណ្ឋាគារសឹងប៉ាវឡុង និងក្លឹបកំសាន្ត នៅខណ្ឌបឹងកេងកង
2023/12/06 11:39:30 am
​កម្ពុជារកឃើញអូមីក្រុងបំប្លែងថ្មី ប្រភេទ BA4 និង BA5 មានលទ្ធភាពឆ្លងលឿន
2023/12/08 03:09:56 am

ព័ត៌មានវីដេអូ

​ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

2023/11/30 02:02:15 am
កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក
2023/06/12 07:57:12 pm
រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ
2022/10/14 08:38:02 am
សម្តេចតេជោ ហ៊ុន សែន អញ្ជើញទទួលទានអាហារពេលព្រឹក ជាមួយប្រធានរដ្ឋវៀតណាម
2022/09/27 09:16:39 am
ប្រសាសន៍សំខាន់ៗរបស់សម្តេចតេជោ ក្នុងពិធីជួបសំណេះសំណាលជាមួយប្រតិភូ​កីឡា​អាស៊ានប៉ារ៉ាហ្គេម
2022/07/06 10:23:47 am