ភ្នំពេញ៖ ថ្ងៃ៧ ខែមករា ត្រូវបានប្រជាពលរដ្ឋកម្ពុជា​ទទួលស្គាល់ថាជាទិវាជ័យជម្នះ ជាថ្ងៃរំដោះជីវិត​ប្រជាពល រដ្ឋកម្ពុជាចេញពីរបបប្រល័យពូជសាសន៍ខ្មែរក្រហម។ ផ្ដើមពីថ្ងៃ៧ មករា ឆ្នាំ១៩៧៩ ប្រជាពលរដ្ឋ មើលឃើញពីភាពរីកចម្រើនរបស់កម្ពុជាជាបន្តបន្ទាប់ ដែលនាំមកនូវភាព​សុខសាន្ត​ដល់ពលរដ្ឋកម្ពុជាគ្រប់រូប ។

ថ្ងៃទី៧ ខែមករា នេះគឺជាគម្រប់ខួប៤៤ឆ្នាំ នៃទិវាជ័យជម្នះក្នុងការផ្ដួលរំលំរបបប្រល័យពូជ សាសន៍​ខ្មែរក្រហម ​ដោយរំដោះជីវិតប្រជាពលរដ្ឋពីការរស់នៅក្នុងភាពងងឹតភ័យខ្លាចពីការកាប់សម្លាប់។ ថ្ងៃ ៧មករា ​ទោះកន្លងទៅជាង៤០ឆ្នាំយ៉ាងណាក្ដី ​ក៏ប្រជាពលរដ្ឋ ​ពិសេសពលរដ្ឋ ដែលឆ្លងកាត់​របប​៣ឆ្នាំ ៨ខែ ​និង២០ថ្ងៃ នៅតែចងចាំ ​ផ្ដល់តម្លៃដល់ថ្ងៃ៧មករាជាទីបំផុត។ ​ការផ្ដល់តម្លៃនេះ ព្រោះពួកគេ​ចាត់ទុក ថា ថ្ងៃ៧មករា ជាថ្ងៃកំណើតទី២ ។

ពលរដ្ឋរស់នៅរាជធានីភ្នំពេញ ​បានលើកឡើងថា ​ក្រោយពីថ្ងៃជ័យជម្នះ៧មករា ​គឺកម្ពុជាចាប់ផ្ដើម ពីបាទដៃទទេ។​ ការចាប់ផ្ដើមដោយគ្មានអ្វីទាំងអស់ ​ឈានដល់ការអភិវឌ្ឍ​ជាបន្តបន្ទាប់រហូត​កម្ពុជា​មាន សព្វថ្ងៃ ហើយនឹងបន្តរីកចម្រើននាពេលអនាគត។

ពួកគេជាពលរដ្ឋ ពិតជាពេញចិត្តចំពោះសន្តិភាព ភាព រីកចម្រើន​ ដែលកម្ពុជាមានសព្វថ្ងៃ ហើយ​ជឿជាក់​ថា រាជរដ្ឋាភិបាល​ នឹងបន្តដឹកនាំនាវាកម្ពុជា ​ទៅរកភាព កាន់តែ​ថ្កុំថ្កើន។​ របបប្រល័យ​ពូជ​សាសន៍​ខ្មែរក្រហម ​ជារបបមួយ​ ដែលមានរយៈពេល ​៣ឆ្នាំ ៨ខែ និង ៨០ថ្ងៃ។ ត្រឹមរយៈពេលជិត៤ឆ្នាំនៃការគ្រប់គ្រងនេះ គឺប្រជាពលរដ្ឋគ្រប់រូបត្រូវរស់នៅរងទុក្ខ ដោយសារភាព​អត់ឃ្លាន ការធ្វើការហួសកម្លាំង ​ការបំបិទសេរីភាព​ ភាពភ័យខ្លាចសព្វបែបយ៉ាង និងការ​សម្លាប់​ដោយព្រៃផ្សៃ។

តាមសាលាក្ដីខ្មែរក្រហម បានបញ្ជាក់ថា ​ចំនួនប្រជាពលរដ្ឋប្រមាណជិត៣លាននាក់ បាន​ស្លាប់បាត់បង ជីវិត ក្នុងរយៈពេលនៃការគ្រប់គ្រងរបស់ក្រុមកម្ពុជាប្រជាធិប្បតេយ្យ ប៉ុល ពត។

កម្ពុជា ​បានផ្ដួលរំលំរបបប្រល័យពូជសាសន៍ខ្មែរក្រហម ថ្ងៃ ៧មករា ឆ្នាំ​ ១៩៧៩ ​ពិតយ៉ាងណាក្ដី តែ​សង្រ្គាមស៊ីវិលនៅតែអូសបន្លាយជាច្រើនឆ្នាំបន្តទៀត​ រហូតឆ្នាំ១៩៩៨។

ការបញ្ចប់សង្គ្រាមរវាងខ្មែរ ​និងខ្មែរ ​ការទទួលបានសន្តិភាពពេញលេញ ​គឺនៅចុងឆ្នាំ ​១៩៩៨ ក្រោម​ការអនុវត្តនយោបាយឈ្នះ ឈ្នះ​ របស់ប្រមុខរាជរដ្ឋាភិបាលកម្ពុជា ៕អត្ថបទ៖ គឹម ហុក