ភ្នំពេញ៖ អតីតយុទ្ធជន បាននិយាយថា ចលនាប្រមូលកម្លាំងរណសិរ្យសាមគ្គីសង្គ្រោះជាតិ របស់​សម្តេចតេជោ ហ៊ុន សែន ​ជាស្នូលដ៏សំខាន់ ​នាំឲ្យថ្ងៃ៧ មករា ​ទទួលបានជ័យជម្នះ ។

ខណៈពិធីអបអរសាទរខួប៤៤ឆ្នាំ នៃទិវាជ័យជម្នះ ៧ មករា ឆ្នាំ២០២៣ ​ខិតជិតមកដល់ អតីត យុទ្ធជន​ រស់នៅរាជធានីភ្នំពេញ ​បានបង្ហាញការចងចាំ និងមិនអាចបំភ្លេចបានចំពោះគុណបំណាច់​នៃថ្ងៃ នេះឡើយ ដែលបានសង្គ្រោះជីវិតពួកគេពីរបបប្រល័យពូជសាសន៍ ប៉ុល ពត​ ឬហៅថា របបខ្មែរក្រហម ​និងចាកផុតពីការព្រាត់ប្រាស រួមទាំងការធ្វើទារុញកម្ម​ និង​ការ​កាប់​សម្លាប់​​យ៉ាងរង្គាល​។

អតីតយុទ្ធជន បានលើកឡើងថា ប្រសិនមិនមានគំនិតផ្តួចផ្តើមប្រមូលកម្លាំងចលនាសង្គ្រោះប្រជា ជនពីរបបខ្មែរក្រហម នោះជីវិតប្រជាជនខ្មែរស្ទើរទូទាំងប្រទេស ​នឹងត្រូវបាត់បង់ ។

ក្នុងរយៈពេល៤៤ឆ្នាំមកនេះ​ កម្ពុជាបានពុះពារ​ជម្នះរាល់​ឧបសគ្គ ​និងការ​លំបាក​យ៉ាងច្រើនឥត គណនា ឆ្លងកាត់បណ្តាដំណាក់កាលប្រវត្តិសាស្ត្រ​ ដើម្បី​ការពារការរស់ឡើងវិញ​របស់ប្រជាជាតិ ប្រឹងប្រែង​ ជម្នះនូវផលវិបាកយ៉ាងធ្ងន់ធ្ងរ​លើគ្រប់វិស័យដែលបន្សល់ទុកពីសង្គ្រាមបំផ្លិចបំផ្លាញ រួមទាំង​ខិតខំស្តារកសាង​អភិវឌ្ឍន៍​មាតុភូមិចេញពីគំនរផេះផង់​ និងពុះពារស្វែងរកសន្តិភាព និងការផ្សះផ្សារជាតិផងដែរ ៕អត្ថបទ៖ សេក​ ឧត្តម