អន្ដរជាតិ៖ យោងតាមការអះអាង របស់ក្រសួងការពារជាតិម៉ិកស៊ិក បានឲ្យដឹងថា ម៉ិកស៊ិក បានបញ្ជូន​មន្រ្តីយោធា ២០០នាក់ទៅ​កាន់​ទីក្រុងព្រំដែន Ciudad Juarez ជាប់សហរដ្ឋអាមេរិក ដើម្បីបង្ក្រាបឧក្រិដ្ឋកម្មនៅទីនោះ រយៈពេលប៉ុន្មាន​ថ្ងៃប៉ុណ្ណោះ ក្រោយកើតអំពើកុបកម្មស្លាប់មនុស្ស​នៅក្នុងពន្ធនាគារ ហើយ​ការតាមចាប់អ្នកទោសហែកគុកដែលរត់គេច កំពុងធ្វើឡើង។

រយៈពេលប៉ុន្មានម៉ោងក្រោយ​មើលឃើញឆ្មាំគុក និងអ្នកទោសត្រូវបានសម្លាប់​នៅក្នុងកុបកម្ម​ និងការហែកគុកចំថ្ងៃ​ចូល​ឆ្នាំសកល ប្រធានគុកលោក Alejandro Alverado ត្រូវបានបណ្តេញចេញពីតំណែង។ ក្រុមរដ្ឋអាជ្ញារដ្ឋ Chihuahuaនិយាយថា លោក Alverado មិនត្រឹមតែត្រូវបណ្តេញពីមុខតំណែងប៉ុណ្ណោះ តែរូប​លោក និង​មន្រ្តីជាប់ពាក់ព័ន្ធផ្សេងទៀត កំពុងស្ថិតក្រោមការស៊ើបអង្កេត សម្រាប់លទ្ធភាពនៃការជាប់ពាក់ជាមួយនឹង​ការហែកគុក​នេះ៕