ភ្នំពេញ៖ សម្តេចតេជោ ហ៊ុន សែន បានប្រកាសថា ថ្ងៃស្អែក ជាខួប ៤៧ឆ្នាំ នៃថ្ងៃរៀបការ(៥ មករា ១៩៧៦-៥ មករា​ ២០​២៣)​។ យោងតាមទំព័រFacebook ផ្លូវការការសម្តេចនៅរាត្រីថ្ងៃទី០៤ ខែមករា ឆ្នាំ២០២៣មានខ្លឹមសារថា “ពេល​វេលា​​ដ៏លំបាកបំផុតជាមួយទឹកភ្នែករាប់លានដំណក់ ប្តីប្រពន្ធយើងបានរួមជាមួយប្រជាជនកម្ពុជា ក្រោក​ឈរឡើង​តស៊ូ ដើម្បី​ការរស់រានមានជិវិតនិងការអភិវឌ្ឍដូចសព្វថ្ងៃ”។

សម្តេចបន្តថា “យើងមិននឹកស្មានថា យើងអាចរស់រហូតមកដល់ពេលនេះឡើយ បើប្រៀបជាមួយកា​រ​លំបាក​នាពេល​នោះ​។ យើងក៏មិនបានគិតថា យើងមានកូន និងចៅចំនួនច្រើន ដែលគួរស្រឡាញ់ដូចសព្វថ្ងៃនេះដែរ”។

សម្តេចតេជោបញ្ជាក់ថា មេរៀនបានបង្ហាញថា រៀបការមានភ្លេង ឬអត់ភ្លេង គ្មានអ្វីខុសគ្នាទេ បញ្ហាស្ថិតត្រង់ថា ស្រឡាញ់​ស្មោះ​ត្រង់ យោគយល់ឲ្យគ្នា ឬអត់? បែកបាក់ ឬស្ថិតស្ថេរ ស្ថិតនៅលើចំណុចនេះហើយ៕