អន្ដរជាតិ៖ អំឡុងដំណើរទស្សនកិច្ចទៅកាន់កោះតៃវ៉ាន់នៅថ្ងៃព្រហស្បតិ៍នេះ អតីតប្រមុខអង្គការណាតូ លោក Anders Fogh Rasmussenនិយាយ​ថា បណ្តាប្រទេសប្រជាធិបតេយ្យ គួរតែបញ្ជាក់​ឲ្យបានច្បាស់លាស់ពីផលវិបាកសេដ្ឋកិច្ចធ្ងន់ធ្ងរ​ដែល​ចិននឹង​​ប្រឈម ប្រសិន​បើ​ពួកគេ​វាយប្រហារកោះស្វ័យគ្រប់គ្រងតៃវ៉ាន់។

លោកAndersបានធ្វើការប្រៀបធៀប​រវាងការវាយលុករបស់រុស្ស៊ីទៅលើអ៊ុយក្រែន និង​ចំណាត់ការយោធា​របស់ចិន​ទៅលើ​កោះតៃវ៉ាន់ ដោយ​លោកបញ្ជាក់ថា ប្រទេស​ប្រជាធិបតេយ្យត្រូវតែរួបរួមគ្នា​ធានាឲ្យបានជ័យជំនះ​របស់អ៊ុយក្រែន ​ដើម្បី​រារាំងការវាយប្រហាររបស់ចិនទៅលើកោះតៃវ៉ាន់៕