ភ្នំពេញ៖ រាជរដ្ឋាភិបាលកំពុងបន្តជំរុញអភិវឌ្ឍន៍នូវគ្រប់ហេដ្ឋារចនាសម្ព័ន្ធ ​ជាពិសេសស្ពាន ផ្លូវ និង​កំពុងពង្រឹង និងពង្រីកកិច្ចសហប្រតិបត្តិការសម្រាប់ជំរុញការនាំចេញ, វិស័យដឹកជញ្ជូន និង​ទូរគមនាគមន៍ ក៏បានត្រៀមខ្លួនរួចជាស្រេច ​ដើម្បីផ្តល់សេវាដឹកជញ្ជូនរហ័ស ​និងទាន់ពេលវេលា ដើម្បីរួមចំណែកដល់ការស្តារសេដ្ឋកិច្ចជាតិ។

លោកឧកញ៉ា ស៊ិន ចន្ធី ប្រធានសមាគមភស្តុភារកម្មកម្ពុជា បានលើកឡើងក្នុងកិច្ចសម្ភាសន៍​ជាមួយ​ភ្នាក់ងារអ្នកយកព័ត៌មាន នេះថា វិបត្តិកូវីដ ១៩ ​ប៉ះពាល់គ្រប់វិស័យទាំងអស់ តែបន្ទាប់ពី​រាជ​រដ្ឋាភិបាល​បើកប្រទេស ​និងបើកអាជីវកម្មឡើងវិញ វិស័យដឹកជញ្ជូនមកដល់ពេលនេះ​បាន​ដំណើរការពេញលេញហើយ ​ចំណែកបញ្ហាប្រេងសាំង​ ទោះបីមិនទាន់បានធ្លាក់ថ្លៃដូចមុន តែការដឹកជញ្ជូនគឺ​មានភាពធុន​ និងធូរស្រាលជាងមុន។

ទាក់ទងវិស័យដឹកជញ្ជូន និងគមនាគមន៍ ​នៅក្នុងឆ្នាំ ២០២៣ រាជរដ្ឋាភិបាលគ្រោង​ចំណាយ​មូលធន​ថវិកា​ជាតិជា​ ក្នុងទិសដៅគាំទ្រដល់ការអនុវត្តកម្មវិធីវិនិយោគ​សាធារណៈ ជាពិសេសការ​អនុវត្តកម្មវិធី​យុទ្ធសាស្រ្តស្តារ ​និងជំរុញ​កំណើនសេដ្ឋកិច្ច​ ក្នុងការរស់ជាមួយកូវីដ ១៩ តាមគន្លង​ប្រក្រតីភាពថ្មី។

សម្រាប់ឆ្នាំ ២០២៣ នេះ រាជរដ្ឋាភិបាលគ្រោង​ចំណាយ​លើគម្រោងវិនិយោគសាធារណៈ ដោយ​ហិរញ្ញប្បទានក្នុងប្រទេសនៅថ្នាក់ជាតិ ​គ្រោងចំនួនប្រមាណជាង​ ៧ ៧៣០ប៊ីលានរៀល ត្រូវ​ប្រមាណ​ជិត ៩ ភាគរយ នៃផ.ស.ស ​កើនឡើងជាង ២៥ ​ភាគរយបើធៀបនិងច្បាប់ហិរញ្ញវត្ថុឆ្នាំ ២០២២ ក្នុងនោះក៏មានគ​ម្រោងកសាង​ និងជួសជុល ផ្លូវថ្នល់ ស្ពាន លូ និងការជួសជុលឡើងវិញ​នូវហេដ្ឋា​រចនាសម្ព័ន្ធដែលរងប៉ះពាល់ទឹកជំនាន់ជាដើម៕ អត្ថបទ៖ សុន រ៉ាឌី