កំពង់ឆ្នាំង ៖ ខួបអនុស្សាវរីយ៍លើកទី៤៤ ទិវាបុណ្យជ័យជម្នះ ថ្ងៃ៧ មករា ១៩៧៩ -៧ មករា ២០២៣ ត្រូវបានធ្វើ​ឡើងយ៉ាង​មហោឡាឬក​ ក្រោមអធិបតីភាពដ៍ខ្ពង់ខ្ពស់ សម្តេច ចៅហ្វាវាំង គង់ សំអុល ឧបនាយករដ្ឋមន្រ្តី រដ្ឋមន្រ្តីក្រសួងព្រះបរមរាជវាំង និង មានការអញ្ជើញ​ចូលរួម​ពីសំណាក់​សមាជិក​សមាជិការាជរដ្ឋាភិបាល ថ្នាក់ដឹកនាំខេត្តកងកំលាំងប្រដាប់អាវុធទាំងបីប្រភេទ មន្រ្តីរាជការ​អង្គភាព​ជុំវិញខេត្ត លោកគ្រូអ្នកគ្រូ សិស្សានុសិស្សនិងប្រជាពលរដ្ឋយ៉ាងច្រើនកុះករ ។

យុវជនដែលបានចូលរួមក្នុងមិន្ទិញនាពេលនោះ បានលើកឡើងថា៖ នៅក្នុងរបបវាលពិឃាតអស់រយះកាល៣ឆ្នាំ ៨ខែនិង២០ថ្ងៃ ដែលប៉ុលពត​កាន់អំណាច​ប្រជាពលរដ្ឋ​ស្លូតត្រង់ត្រូវរបបអាវខ្មៅបង្អត់អាហារបង្ខំឲធ្វើការជាទម្ងន់ ធ្វើទារុណកម្មយ៉ាង​ព្រៃផ្សៃនិង​កាប់សម្លាប់​យ៉ាងរង្គាល។ ក្នុងរយៈពេលជាង៤៤ឆ្នាំកន្លតងមកនេះ​ប្រទេសជាតិមានការអភិវឌ្ឍន៍ជាបន្តបន្ទាប់ ក្រោមការដឹកនាំ​របស់​សម្តេចអគ្គមហាសេនាបតីតេជោហ៊ុនសែនជានាយករដ្ឋមន្រ្តីជាមួយគ្នានេះខេត្តកំពង់ឆ្នាំង ក៍មានការអភិវឌ្ឍន៍​ស្ទើគ្រប់ទីកន្លែង​ពីទីក្រុង​រហូតដល់ជនបទ ផងដែរ ។ ទាំងអស់នេះដោយសារមានថ្ងៃ៧មករាទើបពួកគាត់បានរស់រានមានជីវិតឡើងវិញនិងមានអ្វីៗទាំងអស់នៅថ្ងៃនេះ​អរគុណសន្តិភាព ។

ឯកឧត្តម ស៊ុន សុវណ្ណារិទ្ធិ អភិបាលខត្តកំពង់ឆ្នាំង បានអានសុន្ទរកថារបស់សម្តេចតេជោ ហ៊ុន សែន​នាយករដ្ឋមន្រ្តី​នៃ​ព្រះរាជាណាចក្រកម្ពុជា ដោយគូសបញ្ជាក់ថា៖ ថ្ងៃនេះ ជាថ្ងៃគម្រប់ខួប​លើកទី៤៤​នៃ​ទិវាជ័យជំនះ៧មករា ឆ្នាំ១៩៧៩​ជា​ប្រវត្តិសាស្រ្ត​ដែលបានផ្តួល​រំលំរបបប្រល័យ​ពូជសាសន៍​របស់ប៉ុលពត សង្រ្គោះជាតិ ប្រជាជនកម្ពុជា អោយមានជីវិត​រស់រានឡើងវិញរួច​ផុតពីការ​សម្លាប់​រង្គាល​នៃ​របបដ៍សាហាវយង់ឃ្នងបំផុតនេះ បានទាន់ពេលវេលា និងបានបបញ្ចប់​សករាជដ៏​ខ្មៅងងឹតបំផុតនៃប្រទេសកម្ពុជា ហើយបើកឡើងនូវសករាជថ្មី គឺឯករាជ្យ ​សេរីភាព ប្រជាធិប​តេយ្យ​និងវឌ្ឍនភាពសង្គម។ រយៈពេល៤៤ឆ្នាំកន្លងទៅនេះ ផ្តើមចេញពីជ័យជំនះ៧មករា ប្រជាជនកម្ពុជា​បានសម្រេចផ្លាស់ប្តូរ​សង្គមយ៉ាងធំធេង​ដែលប្រទេស​នៅលើពិភពលោកទាំង​មូលនឹកស្មានមិនដល់ថា កម្ពុជាបានប្រែក្លាយពីវាលពិឃាដនៃរបបប្រល័យពូជសាសន៍,ពីសង្រ្គាមរ៉ាំរ៉ៃរាប់ទស្សវត្សរ៍,ការបាក់បែក​ជាតិ,បែងចែកទឹកដីក្លាយ ជាប្រទេសមួយដែលមានសុខសន្តិភាព ស្ថេរភាព និងការអភិវឌ្ឍ តាំងពីបាតដៃទទេ​រហូតដល់មាន​ការ​រីកចំរើនលើគ្រប់វិស័យ ធ្វើអោយប្រជាជនមានជីវភាពធូរធា និង មានកំណើតសេដ្ឋកិច្ច កើនឡើងឥតឈប់ឈរពីមួយឆ្នាំទៅមួយឆ្នាំ ។

ឆ្នាំ២០២២ដែល​ទើបតែកន្លងផុតទៅនេះ សភាពការណ៍ទូទៅរបស់កម្ពុជា មានការវិវឌ្ឍន៍យ៉ាង​ល្អដែលផ្តល់ភាព​អនុគ្រោះដល់​ការ​សម្រេចគោលដៅរបស់យើងក្នុងការអភិវឌ្ឍន៍សេដ្ឋកិច្ចសង្គម ទោះបីជាសភាពការណ៍អន្តរជាតិ នៅតែបន្តប្រែប្រួល យ៉ាងស្មុគស្មាញក្តី នៅក្នុងរយៈពេល​នេះរាជរដ្ឋាភិបាលនីតិកាលទី៦នៃរដ្ឋសភាបានខិតខំនុវត្តកម្មវិធីនយោបាយនិងយុទ្ធសាស្រ្តចតុកោណដំណាក់កាលទី៤ សម្រេចបានសមិទ្ធិផលធំៗ ថ្មីៗជាច្រើនប្រកបដោយមោទនភាព ។ សារអរគុណសន្តិភាព ពិតជាមានតម្លៃមិនសាបសូន្យ មិនថាកន្លងមក ថ្ងៃនេះ ឬ ថ្ងៃក្រោយមនុស្សទាំងអស់គ្នាត្រូវការសន្តិភាព ៕ ដោយ ៖ ហុង វាស្នា