អន្ដរជាតិ៖ ក្រុមមន្រ្តីនៅទីក្រុង Kyiv និយាយថា រុស្ស៊ី បង្កើនការវាយប្រហាររបស់ខ្លួនយ៉ាងសន្ធាប់​ទៅលើទីក្រុង Soledar ស្ថិត​នៅភាគ​ខាងកើតអ៊ុយក្រែន បង្ខំឲ្យទាហានអ៊ុយក្រែន រុញច្រានរលកនៃការវាយប្រហារនេះដែលដឹកនាំដោយក្រុមជីវពលជាប់​កិច្ច​សន្យា Wagner ហើយ​ការប្រយុទ្ធគ្នាដ៏ខ្លាំងក្លានេះ ធ្វើឲ្យសមរភូមិមុខរាយប៉ាយដោយសាកសព។

ទីក្រុង Soledarស្ថិតក្នុងតំបន់ឧស្សាហកម្ម Donbas មានចម្ងាយប៉ុន្មានគ.មប៉ុណ្ណោះ​ពីទីក្រុង Bakhmut ជាកន្លែង​ដែលទាហានមកពីភាគីទាំង២ បានខាតបង់យ៉ាងធ្ងន់ធ្ងរដូចគ្នា ​នៅតាមលេណដ្ឋានដ៏តានតឹងបំផុតរបស់ពួកគេ ចាប់តាំងពី​រុស្ស៊ី វាយលុក​ទៅលើអ៊ុយក្រែនកាលពីរយៈពេលជិត ១១ខែមុន៕