អន្ដរជាតិ៖ ក្រសួងសុខាភិបាលបាលនិយាយថា មនុស្សប្រហែល ១៧នាក់ បានស្លាប់បន្ទាប់ពីការប៉ះទង្គិចគ្នា​នៅទីក្រុង Juliaca ស្ថិត​នៅភាគខាងត្បូងប្រទេសប៉េរូ បន្ទាប់ពីការចាប់ផ្តើមបាតុកម្មឡើងវិញទាមទារឲ្យមានការបោះឆ្នោតមុនអាណត្តិ និង​ដោះ​លែង​អតីតប្រធានាធិបតីជាប់ពន្ធនាគារ Pedro Castillo។

អ្នកស្លាប់រួមទាំងយុវជន ២នាក់ផងដែរ។ គ្រោះថ្នាក់ដល់អាយុជីវិតចុងក្រោយនេះដែរ បានធ្វើឲ្យចំនួនមនុស្សស្លាប់ពីការប៉ះទង្គិចគ្នា​​របស់ក្រុមប្រឆាំងរដ្ឋាភិបាល​​ជាមួយ​ក្រុមកងកម្លាំងសន្តិសុខ​ កើនឡើងដល់ ៣៤នាក់ ចាប់តាំងពីបាតុកម្មចាប់ផ្តើម​កាលពីដើមខែធ្នូ បន្ទាប់ពីការដក​តំណែង​ និង​ការចាប់ខ្លួនលោក Castillo sក្រោយពេលលោកប៉ុនប៉ងរំលាយសភាដោយខុសច្បាប់៕