ភ្នំពេញ ៖ កិច្ចប្រតិបត្តិការបោសសម្អាតមីន និងសំណល់យុទ្ធភណ្ឌសង្គ្រាមរបស់ស៊ីម៉ាក់ក្នុងឆ្នាំ២០២២កន្លងទៅ ទទួលបានលទ្ធផល​គួរជាទីមោទនៈដោយបានបោសសម្អាតរំដោះផ្ទៃដីចម្ការមីន និងចម្ការគ្រាប់បានជា ង ១៩៤ គីឡូម៉ែត្រក្រឡា ស្មើនឹង៩១,៤ភាគរយ គិតជាតំបន់ចម្ការមីនមានចំនួនជាង ៣៤០ និងរំដោះភូ មិគ្មានមីនបានចំនួន ១៦៨ភូមិ និងរំដោះរាជធានី/ខេត្តគ្មានមីនបានចំនួន ៩ រាជធានី/ខេត្ត ក្នុងនោះរុករកឃើញ និងកម្ទេចចោលគ្រាប់មីន និងគ្រាប់មិនទាន់ផ្ទុះគ្រប់ប្រភេទបានចំនួន ៦១,៤៧៧ គ្រាប់។ នេះ បើតាមឯកឧត្ដម ហេង រតនា អគ្គនាយកមជ្ឈមណ្ឌលសកម្មភាពកំចាត់មីនកម្ពុជា ហៅកាត់ ស៊ីម៉ាក់ បា នឱ្យដឹងនៅថ្ងៃទី១១ ខែមករា ឆ្នាំ២០២៣។

ប្រភពដដែលបន្តថា លទ្ធផលនៃកិច្ចប្រតិបត្តិការនេះ បានផ្ដល់ផលប្រយោជន៍ដោយផ្ទាល់ និងប្រយោ លដល់ប្រជាពលរដ្ឋជាង​បីម៉ឺន​គ្រួសារសម្រាប់ដីលំនៅស្ថាន ដីកសិកម្ម និងគាំទ្រការអភិវឌ្ឍក្នុងមូលដ្ឋាន។ ក្រៅពីនេះ ស៊ីម៉ាក់ក៏បានផ្សព្វផ្សាយអប់រំយល់ដឹងពីមីន ដល់ក្រុមគោលដៅបានចំនួន ២២.៧៦៥លើក មានអ្នកចូលរួមសរុបចំនួន ១.៣៤២.៧៩៤នាក់។ សមិទ្ធផលដែលសម្រេចបាននេះ ដោយសារតែបានទទួលជំនួយគាំទ្រយ៉ាងពេញទំហឹងពីដៃគូអភិវឌ្ឍន៍ និងជាពិសេសពីសម្តេចតេជោ ទាំងទស្សនដឹកនាំ សម្ភារបច្ចេកទេស និងថវិកា។

ឯកឧត្ដមឱ្យដឹងបន្ថែមថា ក្នុងឆ្នាំ២០២៣ នេះ ស៊ីម៉ាក់មានផែនការបោសសម្អាតរំដោះផ្ទៃដីចម្ការមីន និ ងចម្ការគ្រាប់ចំនួនជាង ២៦៨ គីឡូម៉ែត្រក្រឡា និងអាចមានលទ្ធភាពពង្រីកបន្ថែមដល់ប្រមាណ ៣០០ គីឡូម៉ែត្រក្រឡា និងត្រៀមឆ្លើយតប​តាមសំណើសុំអន្តរាគមន៍​បន្ទាន់ៗមួយចំនួនតាមភារកិច្ចចាំបាច់ ដើម្បីធានាសេចក្តីសុខសុវត្ថិភាពរបស់ប្រជាពលរដ្ឋ និងសង្គមជាតិ៕ ដោយ៖ គង់ ឌិន​