អន្ដរជាតិ៖ អ្នកនាំពាក្យនគរបាលនិយាយថា នៅព្រឹកថ្ងៃពុធនេះ បុរសម្នាក់ប្រដាប់ដោយកាំបិតខ្លី បានវាយប្រហារទៅលើ​មនុស្ស ៦​នាក់​នៅស្ថានីយ៍រថ​ភ្លើង Gare du Nord ស្ថិតក្នុងទីក្រុងប៉ារីស ប្រទេសបារាំង បណ្តាល​ឲ្យ​មនុស្សម្នាក់​រងរបួសធ្ងន់ ​និងជាច្រើន​នាក់ទៀតរងរបួសស្រាល។ នគរបាលបានបាញ់កាំភ្លើងជាច្រើនគ្រាប់ទៅលើខ្មាន់កាំបិតបណ្តាលឲ្យរងរបួសធ្ងន់ និងនាំទៅកាន់មន្ទីរពេទ្យ ​ខណៈ​​ដែល​មូលហេតុនាំឲ្យកើតមានការវាយប្រហារដោយកំាបិតនេះ ពុំត្រូវបានដឹងភ្លាមៗនោះទេ៕