អន្ដរជាតិ៖ រដ្ឋមន្រ្តីការបរទេសសហរដ្ឋអាមេរិកលោក Antony Blinken និយាយថា សហរដ្ឋអាមេរិក​សាទរចំពោះ​ការសម្រេច​ចិត្ត​របស់ជប៉ុន​ ក្នុងការបង្កើនការចំណាយការពារជាតិទ្វេដងនៅឆ្នាំ២០២៧ មុនជំនួបគ្រោងទុកក្នុងសប្តាហ៍នេះ រវាង​លោក​ប្រធា​នា​ធិប​តី Joe Biden និងនាយករដ្ឋមន្រ្តីជប៉ុន លោក Fumio Kishida។

ថ្លែង​នៅក្នុងសន្និសីទសារព័ត៌មានរួមគ្នាជាមួយរដ្ឋមន្រ្តីការពារជាតិអាមេរិកឡោក Lloyd Austin ក៏ដូចជា​រដ្ឋមន្រ្តីការ​បរ​ទេស និងការពារជាតិជប៉ុន លោក Blinken និយាយថា សហរដ្ឋអាមេរិក គ្រោងនឹងចុះហត្ថលេខាលើកិច្ចព្រមព្រៀងថ្មីពាក់​ព័ន្ធនឹងកិច្ចសហប្រតិបត្តិការលើទីអវកាស​​ជាមួយ​ជប៉ុនក្នុងសប្តាហ៍នេះ៕