អន្ដរជាតិ៖ ចំនួនប្រជាពលរដ្ឋចិន បានធ្លាក់ចុះជាលើកដំបូងក្នុងរយៈពេល ៦០ឆ្នាំកន្លង គិតចាប់តាំងពីឆ្នាំ ១៩៦១មក ក្នុងនោះ​អត្រាកំណើតជាតិ ធ្លាក់ចុះទាបបំផុត ៦.៧៧នាក់ ក្នុងស្រ្តី ១ពាន់នាក់។ ​យោងតាមតួលេខចេញដោយមន្ទីរស្ថិតិជាតិចិននៅថ្ងៃអង្គារនេះ បានឲ្យដឹងថា ប្រជាពលរដ្ឋ​ក្នុងឆ្នាំ ២០២២ មាន ចំនួន ១.៤១១៨ពាន់លាននាក់ ពោលគឺធ្លាក់​ចុះ​ចំនួន ៨៥ម៉ឺននាក់ ពីឆ្នាំ ២០២១។

អត្រាកំណើតចិន បានធ្លាក់ចុះអស់រយៈពេលជាច្រើនឆ្នាំមកហើយ ជំរុញឲ្យមានគោលនយោបាយមួយចំនួន ដើម្បី​ពន្យឺតនិន្នាការមួយនេះ ប៉ុន្តែ​រយៈពេល ៧ឆ្នាំក្រោយលុបចោល​គោលនយោបាយកូនម្នាក់ ចិនចូលដល់យុគសម័យគ្មាន​​កំណើន​ប្រជាជន៕