​បារាំង៖ ដូនជី​ជនជាតិ​បារាំង Lucile Randon ដែល​មាន​មនុស្ស​ចាស់​ជាងគេ​បំផុត​លើ​ពិភពលោក បាន​ទទួល​មរណភាព​ក្នុង​វ័យ​ ១១៨​ឆ្នាំ​នៅ​ក្នុង​ប្រទេស​បារាំង នេះ​បើ​តាម​ការ​ឲ្យ​ដឹង​ពី​មជ្ឈមណ្ឌល​ចូលនិវត្តន៍​ដែល​លោកយាយ​រស់នៅ បាន​ប្រាប់​សារព័ត៌មាន Reuters កាលពី​ថ្ងៃ​អង្គារ​។

​លោកយាយ Lucile Randon ដែល​គេ​ដាក់ឈ្មោះ​ឲ្យ​ថា Sister Andre នៅ​ពេល​លោកយាយ​បាន​ក្លាយ​ជា​ដូនជី​ក្នុង​ព្រះវិហារ​កាតូលិក​ក្នុង​ឆ្នាំ​១៩៤៤ បាន​រួច​ជីវិត​ពី​វីរុស COVID-19 កាលពី​ឆ្នាំមុន​។ លោក​យាយ​បាន​កើត​នៅ​ថ្ងៃ​ទី​១១ ​ខែ​កុម្ភៈ ​ឆ្នាំ​១៩០៤ ហើយ​លោកយាយ​ជា​មនុស្ស​ចាស់​ជាងគេ​បំផុត​នា​ពេល​បច្ចុប្បន្ន​របស់​ពិភពលោក នេះ​បើ​យោង​តាម​ក្រុម​ផ្ដល់​ចំណាត់ថ្នាក់​មនុស្ស​ចាស់​ជាងគេ​បំផុត​លើ​ពិភពលោក​។​

​ដោយ​ទទួល​ស្គាល់​ថា​ ជា​មនុស្ស​ចាស់​ជាងគេ​បំផុត​លើ​ពិភពលោក​ក្នុង​តំបន់​អឺរ៉ុប លោកយាយ​បាន​ក្លាយ​ជា​មនុស្ស​ចាស់​ជាងគេ​បំផុត​របស់​ពិភពលោក បន្ទាប់ពី​លោកយាយ Kane Tanaka របស់​ជប៉ុនដែលមាន​អាយុ​ ១១៩​ឆ្នាំ។ ហើយ​កម្មវិធី​កំណត់ត្រា​ពិភពលោក Guinness World Records បាន​ទទួល​ស្គាល់​លោកយាយ​ជា​ផ្លូវការ​កាលពី​ខែ​មេសា​ ឆ្នាំ​២០២២៕

អត្ថបទ៖ សុខមាន