ភ្នំពេញ៖ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល តំណាង​ឯកឧត្តមរដ្ឋមន្រ្តី នៅព្រឹកថ្ងៃទី១៩ខែមករានេះ បានអញ្ជើញជាអធិបតីភាពក្នុងពិធីបើក​ប្រកាស​ផ្សព្វផ្សាយ និងដាក់ឲ្យអនុវត្តជាផ្លូវការនូវស្តង់ដារអប្បបរមាសម្រាប់មូលដ្ឋាន​សុខាភិបាល​ឯកជន​នៅកម្ពុជា។

ពិធីនេះ ធ្វើឡើងនៅសណ្ឋាគារសុខាភ្នំពេញ ដោយមានការអញ្ជើញចូលរួមពីមន្រ្តី​ក្រសួង​សុខាភិបាល ដៃគូរសហការណ៍អន្តរជាតិ និងម្ចាស់មូលដ្ឋានសុខាភិបាលឯកជនជាដើម។

ការបង្កើតស្តង់ដារអប្បបរមានេះ ធ្វើឡើងក្នុងគោលបំណងពង្រឹងមូលដ្ឋានសុខាភិបាលឯកជន ដោយស្តង់ដារនេះ ចែកចេញជាបីផ្នែករួមមាន៖ ផ្នែកទី១ មាន ៥៧ ស្តង់ដារ គណៈកម្មការវាយ​តម្លៃមុន​ការអនុញ្ញាតឱ្យបើក ទី២ មានចំនួន ១៨ ស្តង់ដារគណៈកម្មការនឹងវាយតម្លៃនៅពេល​កំពុង​ដំណើរការសេវារបស់ខ្លួន និង ទី៣ មានចំនួន ១៣ ស្ដង់ដារ សម្រាប់ធ្វើការវាយតមៃ្លពេលស្នើសុំ​បន្តសុពលភាពមូលដ្ឋានសុខាភិបាលឯកជន៕