​អ៊ុយក្រែន៖ ភរិយា​របស់លោក​ប្រធានាធិបតី​អ៊ុយ​ក្រែ​ន Volodymyr Zelenskyy លោកស្រី Olena Zelenska បាន​និយាយ​កាលពី​ថ្ងៃពុធ​ថា លោក Volodymyr Zelenskyy បាន​សរសេរ​លិខិត​អញ្ជើញ​លោក​ប្រធានាធិបតី​ចិន Xi Jinping សម្រាប់​ការពិភាក្សា​ដែល​ត្រូវ​បាន​អនុញ្ញាត​នៅ​ក្នុង​ទីក្រុង Davos ប្រទេស​ស្វី​ស​ទៅកាន់​គណៈប្រតិភូ​រប​ស់​ចិន។

​លោក Zelenskyy បាន​ព្យាយាម​ទាក់ទង​ម្ដង​ហើយ​ម្ដងទៀត​ជាមួយ​លោក Xi ចាប់​តាំង​ពី​ការ​វាយ​លុក​របស់​រុស្ស៊ី​ទៅលើ​អ៊ុយ​ក្រែ​ន​កាលពី​ថ្ងៃ​ទី​២៤ ​ខែ​កុម្ភៈ​ឆ្នាំ​មុន ដោយ​រំពឹង​ថា ​ទីក្រុង​ប៉េកាំង​នឹង​ប្រើ​ឥទ្ធិពល​របស់​ខ្លួន​លើ​មេដឹកនាំ​រុស្ស៊ី Vladimir Putin​។ ក្នុង​អំឡុង​ការ​ថ្លែង​កាលពី​ថ្ងៃ​អង្គារនៅ​វាទិកា​សេដ្ឋកិច្ចពិភពលោក​ ក្នុង​ទីក្រុង​រមណីយដ្ឋាន Davos លោកស្រី Zelenska បាន​និយាយថា លោកស្រីមាន​លិខិត​សម្រាប់​ជូន​លោក Xi ប៉ុន្តែ​លោកស្រី​បានផ្ដល់​ការ​លម្អិត​ថ្មី​អំឡុង​ស​ន្និសិទ​សារព័ត៌មានកាលពី​ថ្ងៃ​ពុធ​។

​លោកស្រី​បាន​ប្រាប់​អ្នកសារព័ត៌មាន​ថា នេះ​ជា​កាយវិការ និង​ការអញ្ជើញ​សម្រាប់​ការសន្ទនា ហើយ​ខ្ញុំ​សង្ឃឹម​យ៉ាង​មុត​មាំ​ថា​ នឹងមាន​ការឆ្លើយតប​វិញ​ចំពោះ​ការអញ្ជើញ​នេះ​។ គួរ​រម្លឹក​ថា ប្រទេស​ចិន និង​រុស្ស៊ីបាន​ប្រកាស​ពី​មិត្តភាព​គ្មាន​ដែន​កំណត់​កាលពី​ខែកុម្ភៈ​ឆ្នាំមុន ភ្លាមៗមុន​លោក Putin​ បញ្ជា​ឲ្យ​កងទ័ព​របស់​លោក​វាយ​ចូល​ប្រទេស​អ៊ុយ​ក្រែ​ន​៕

អត្ថបទ៖ សុខមាន