កំពង់ឆ្នាំង : នៅព្រឹកថ្ងៃទី១៩ ខែមករា ឆ្នាំ២០២៣នេះ ថ្នាក់ដឹកនាំជាន់ខ្ពស់របស់ក្រសួងកសិកម្ម បានដឹកនាំក្រុមការងារចំរុះ ចុះបង្ក្រាបបទល្មើសនេសាទរបាំងស្បៃមុង និងរបាំងសាច់អួនដាក់កាត់ទន្លេវែងៗ ច្រើនស្អេកស្កះ នៅចំណុចកោះថ្មី និងចំណុចអន្សាចំបក់ ឃុំអន្សាចំបក់ ស្រុកក្រគរ ខេត្តពោធិសាត់។ យុទ្ធនាការនេះ នឹងត្រូវបន្តធ្វើរហូតដល់អស់បទល្មើសទាំងនេះ ពីឃុំអន្សាចំបក់តែម្តង ដោយសារតែទីតាំងនេះមានបទល្មើសកើតច្រើន ហើយជាផ្លូវសំរាប់ត្រីចរាចរណ៍ចុះមកក្រោមទៀតផង។

កម្លាំងដែលចូលរួមមានកងកម្លាំងនគរបាល កងរាជអាវុធហត្ថ ស្រុកខេត្ត និងកម្លាំងជលផលមកពីខេត្តកំពង់ឆ្នាំង និងកំពង់ធំសរុបទាំងអស់ប្រមាណជិត១០០នាក់ផងដែរ។ ក្នុងយុទ្ធនាការបង្ក្រាបនេះ បទល្មើសត្រូវបានដាក់កម្លាំងម៉ាស៊ីនអូសកំទេចចោល និងបានព្រលែងត្រីចូលទន្លេរាប់រយគីឡូទៀតផង៕ ដោយ : ហុង វាស្នា