អន្ដរជាតិ៖ ​ប្រធានាធិបតីកូរ៉េខាងត្បូង លោក Yoon Suk-yeol បានអំពាវនាវឲ្យពង្រឹងភាពធន់នៃខ្សែសង្វាក់ផ្គត់ផ្គង់សកល ដោយ​​លោកចាត់ទុកថា វាគឺជាការងារបន្ទាន់បំផុត ដែលប្រឈមនឹងសហគមន៍អន្តរជាតិ។អំឡុងជំនួបប្រចាំឆ្នាំនៃវេទិកាសេដ្ឋកិច្ចពិភពលោកនៅទីក្រុង Davos ប្រទេសស្វីស លោក Yoon និយាយថា សង្គ្រាម​នៅអ៊ុយក្រែន ធ្វើឲ្យអាក់ខានបន្ថែមទៀតដល់​ស្ថិរភាពខ្សែសង្វាក់ផ្គត់ផ្គង់។

លោកថា ពាណិជ្ជកម្មសេរី នៅតែដើរតួយ៉ាងសំខាន់ បើទោះបីជាការការពារនិយមកើនឡើងក៏ដោយ ហើយ​លោក​សន្យាថា​នឹងធ្វើ​ការជាមួយប្រទេសទុកចិត្ត​ ដើម្បីធ្វើឲ្យស្ថិរភាពដល់ខ្សែសង្វាក់ផ្គត់ផ្គង់សក​ល៕