សៀមរាប៖ ភ្ញៀវទេសចរជាតិ និងអន្ដរជាតិ ជាច្រើនម៉ឺននាក់ បានដើរកម្សាន្ដសប្បាយរីករាយ នៅរណមីយដ្ឋានអង្គរ នាពិធីបុណ្យចូលឆ្នាំថ្មីប្រពៃណីចិន រយៈពេលពីរថ្ងៃ ចាប់ពីថ្ងៃទី២១ ដល់ថ្ងៃទី២២ ខែមករានេះ ខណៈដែលពិធីនេះកើតឡើងចំថ្ងៃសម្រាកការងារ (ថ្ងៃសៅរ៍ និងអាទិត្យផងនោះ) ។

អ្នកទេសចរទៅកម្សាន្ដនៅប្រាសាទអង្គរ បានលើកឡើងថា ​ក្នុងរមណីយដ្ឋានអង្គរ ជាកន្លែងដើរ កម្សាន្ដ​មុនគេនៅពេលទៅដល់ខេត្ដសៀមរាប ​មិនថាថ្ងៃពិធីបុណ្យចូលឆ្នាំថ្មីប្រពៃណីចិន និងវៀតណាម ឬចូលឆ្នាំខ្មែរនោះទេ ​ព្រោះពួកគេ ចង់ឃើញ​ ចង់ដឹងពីការកសាងអង្គរ នៃ​បុព្វបុរសខ្មែរ ខណៈដែលប្រជាពលរដ្ឋមួយចំនួន ​នៅតាមបណ្ដាខេត្ដឆ្ងាយៗ មិនទាន់​ស្គាល់ប្រាសាទអង្គរនៅឡើយទេ ។

ពួកគេ បានបន្ដថា ការបានទៅទស្សនាប្រាសាទអង្គរ ​ដែលជាកេរតំណែលវប្បធម៌ប្រវត្ដិសាស្ដ្រដ៏ អស្ចារ្យ ​គឺមិនអាចរលងបាន មានប្រាសាទចំនួនបី រួមមានប្រាសាទអង្គវត្ដ ​ប្រាសាទបាយ័ន និងប្រាសាទតាព្រហ្ម។

ពួកគេ បានសម្ដែងមោទកភាព ដែលបានទៅកម្សាន្ដនៅខេត្ដសៀមរាប ​ហើយបានលើកឡើងថា ប្រាសាទ​អង្គរមានសោភណភាពស្រស់ស្អាត ​ទាំងបរិស្ថាន អនាម័យ ជាពិសេស​ប្រាង្គប្រាសាទបុរាណ ។

របាយការណ៍របស់មន្ទីរទេសចរណ៍ខេត្ដសៀមរាប​ បានបង្ហាញាថា ប្រជាពលរដ្ឋខេត្តសៀមរាប ដើរ​កម្សាន្ត​តាមរមណីយដ្ឋាននានាក្នុងខេត្តសៀមរាប នៅថ្ងៃទី២១-២២ ខែមករានេះ ​មានចំនួនប្រមាណ ជាង៧ម៉ឺននាក់ ក្នុងនោះ ​ទេសចរជាតិ​ និងប្រជាពលរដ្ឋក្នុងខេត្ត ​មានចំនួនប្រមាណ៦៤.០០០ នាក់ ដែល ធ្វើដំណើរកម្សាន្តជាលក្ខណៈគ្រួសារ ​ទៅកាន់រមណីយដ្ឋានអង្គរ មានចំនួនប្រមាណ ៤២.៥០០នាក់។

រមណីយដ្ឋានឧទ្យានជាតិភ្នំគូលែន មានចំនួប្រមាណ៥.៦០០នាក់។ ​តំបន់ទន្លេសាប មាន​ចំនួនប្រមាណ ២.៥០០នាក់ ។ ​សហគមន៍ទេសចរណ៍-អេកូទេសចរណ៍ ​និងតំបន់ផ្សេងៗ មាន​ចំនួនប្រមាណ១៣.៤០០ នាក់។ ភ្ញៀវទេសចរបរទេសផ្ទៃក្នុង មានចំនួន៨.៩១៥នាក់ ៕អត្ថបទ៖ ឈិត សាវី