ភ្នំពេញ៖ នៅក្នុងឱកាសប្រគល់លិខិតសារតាំងមួយពីឯកឧត្តម អ៊ុច បូរិទ្ធ រដ្ឋមន្ត្រីស្តីទីនៃក្រសួងការបរទេស និងសហប្រតិបត្តិការអន្តជាតិ នៅថ្ងៃទី២៤ ខែមករា ឆ្នាំ២០០៣ ម្សិលមិញនេះ លោក Willam Paris តំណាងតែងតាំងថ្មីនៃអង្គការមូលនិធិកុមារបស់អង្គការ សហប្រជាជាតិ (LASEF) ប្រចាំកម្ពុជា អះអាងថានឹងបន្តផ្តល់ការការគាំទ្រ និងជំនួយរបស់ខ្លួនដល់កម្ពុជា។ នេះបើយោងតាមសេចក្តីប្រកាសព័ត៌មានរបស់ក្រសួងការបរទេស។

ជាមួយការសន្យាខាងលើ តំណាងអង្គការ UNICEF ថ្មី សម្តែងការភ្ញាក់ផ្អើលចំពោះការវិវត្តរីក​ចម្រើន​យ៉ាងខ្លាំងរបស់កម្ពុជានាពេលបច្ចុប្បន្ន បើប្រៀបធៀបទៅនឹងពេលដែលរូបលោកធ្លាប់បានមកដល់​កម្ពុជានៅឆ្នាំ២០០២។

ជាមួយនឹងការកោតសរសើរពីកិច្ចសហប្រតិបត្តិការរឹងមាំរវាងកម្ពុជា និង អង្គការ UNICEF តំណាង​អង្គការរូបនេះ បានអះអាងពីការប្តេជ្ញាចិត្តក្នុងការថែរក្សាទំនាក់ទំនងនេះ ហើយនឹងបន្តធ្វើកិច្ចការ​យ៉ាងជិតស្និទ្ធ ជាមួយភាគីពាក់ព័ន្ធទាំងអស់លើវិស័យដែលបានគូសបញ្ជាក់ខាងលើ។

នាឱកាសនោះ ឯកឧត្តម អ៊ុច បូរិទ្ធ រដ្ឋមន្ត្រីស្តីទី បានសម្តែងការស្វាគមន៍ចំពោះការគាំទ្រយ៉ាង​ពេញទំហឹងរបស់រាជរដ្ឋាភិបាលកម្ពុជា ចំពោះតំណាងថ្មីរបស់ UNICEF និងក្រុមការងា ក្នុងការ​បំពេញ​ការងារដ៏សំខាន់របស់អង្គការ UNICEF នៅកម្ពុជា។

ឯកឧត្តមរដ្ឋមន្ត្រីស្តីទី បានរំលឹកពីប្រវត្តិដ៏យូនៃកិច្ចសហប្រតិបត្តិការវាងកម្ពុជា និងអង្គការ UNICEF ជាពិសេសការផ្ដល់ជំនួយក្រោយពីការដួលរលំរបបខ្មែរក្រហម ដែលជំនួយនេះបានរួមចំណែក​បន្ធូរការ​លំបាកនានារបស់ប្រជាជនកម្ពុជានាពេលនោះ។

ឯកឧត្តម ក៏បានថ្លែងអំណរគុណចំពោះគម្រោងរបស់អង្គការ UNICEF) លើវិស័យអប់រំ សុខភាពនឹង​អាហារូបត្ថម្ភ, កិច្ចការពារកុមារ ទឹកស្អាតនិងអនាម័យ ព្រម ទាំងគោលនយោបាយនិង​ហិរញ្ញប្បទានសាធារណៈសម្រាប់កុមារ។ កិច្ចខិតខំប្រឹងប្រែងនាពេលថ្មីៗ បេសអង្គការ UNICEF ក្នុងការជួយដល់​សុខុមាលភាព​កុមារ និងក្រុមគ្រួសាររបស់ពួកគេ ក្នុងអំឡុង ការតត្បាតនៃជំងឺកូវីដ-១៩ ព្រមទាំងជំនួយក្នុងការបើកសាលារៀនឡើងវិញប្រកបដោយសុវត្ថិភាព ក៏ត្រូវបានទទួលស្គាល់​ផងដែរ ។

ភាគីទាំងពីរបានអះអាងជាថ្មីម្តងទៀតអំពីការប្ដេជ្ញាចិត្តរួមគ្នា ក្នុងការបន្តពង្រឹង កិច្ចសហប្រតិបត្តិការ​ជិតស្និទ្ធ​រវាងកម្ពុជា និងអង្គការ UNICEF៕