អន្ដរជាតិ៖ ប្រធានាធិបតីអ៊ុយក្រែន លោក Volodymyr Zelensky ទទួចស្នើសុំអាវុធធន់ធ្ងន់បន្ថែមទៀតពីលោកខាងលិច ប៉ុន្តែ​វិមានក្រឹមឡាំង​បានចាត់ទុកជំនួយយោធាកាន់តែច្រើនរបស់អង់គ្លេស អាល្លឺម៉ង់ សហរដ្ឋអាមេរិក និងប្រទេសផ្សេងទៀត​ដល់​ទីក្រុង​គីវថាជាទង្វើគ្រោះថ្នាក់បំផុត។

ក្រុមមន្រ្តីអ៊ុយក្រែន បាននិយាយកាលពីយប់កន្លងទៅថា ពួកគេរំពឹងថា​ប្រទេសសម្ព័ន្ធមិត្តលោកខាងលិច នឹង​ផ្តល់ជូនមីស៊ីលរយៈចម្ងាយឆ្ងាយដល់កងកម្លាំងប្រដាប់អាវុធរបស់ពួកគេ បន្ទាប់ពី​អង់គ្លេស អាល្លឺម៉ង់ សហរដ្ឋអាមេរិក និង​បណ្តា​ប្រទេសផ្សេងទៀត ឯកភាពទាំងអស់គ្នាថានឹងបញ្ជូនរថក្រោះដែលទីក្រុងគីវត្រូវការជាយូរមកហើយ៕