ព្រះសីហនុ៖ នៅព្រឹកថ្ងៃទី២៧ ខែមករា ឆ្នាំ២០២៣ ព្រះអង្គម្ចាស់ នរោត្តម ចក្រាវុធ ព្រះប្រធាន​គណបក្ស​ហ៊្វុនស៊ិនប៉ិច ​បានយាងចុះសំណេះសំណាល ​និងសួរសុខទុក្ខដល់ជាសមាជិក-សមាជិកា​គណបក្ស និងបងប្អូនខ្មែឥស្លាម ​ជាងបីរយនាក់ នៅស្រុកព្រៃនប់ ខេត្តព្រះសីហនុ។

មានព្រះបន្ទូលនាឱកាសនោះ ព្រះអង្គម្ចាស់ នរោត្តម ចក្រាវុធ បានសម្តែងនូវអំណរគុណ និង​កោតសរសើរ ទឹកចិត្តមុតមុះ ក្លាហាន ស្មារតីអង់អាចស្មោះត្រង់របស់បងប្អូន ​សមាជិក-សមាជិកា បងប្អូនខ្មែរឥស្លាមចំពោះគណបក្សហ៊្វុនស៊ិនប៉ិច ​និងបានគាំទ្រ នយោបាយបង្រួបបង្រួម ផ្សះផ្សា និងឯកភាពជាតិ ដែលជាមាគ៌ាដ៏ត្រឹមត្រូវនៃព្រះករុណាព្រះបរម​រតនកោដ្ឋ​ ព្រះបិតាស្ថបនិក FUNCINPEC ។

ជាមួយគ្នានោះដែរ ក្នុងឋានៈជាប្រធាន គណបក្សហ៊្វុនស៊ិនប៉ិច ព្រះអង្គម្ចាស់ បានប្រកាសក្នុង​ការ​ស្វាគមន៍ អ្នករាជានិយម ​សីហនុនិយម អ្នកស្នេហាជាតិ រួបរួមសាមគ្គីគ្នា​ ធ្វើឱ្យគណបក្សរាជានិយម មួយនេះ ​ទទួលបានការគាំទ្រ ​នឹងមានអាសនៈនៅរដ្ឋសភាជាតិឡើងវិញ ក្នុងការបោះឆ្នោតជាតិ​ខាងមុខនេះ ​ដើម្បីរួមចំណែកកសាងប្រទេសជាតិឲ្យកាន់តែរីកចំរើនបន្ថែមទៀត៕