កម្មវិធីដកពិន្ទុបណ្ណបើកបរបានរកឃើញល្មើសច្បាប់ជាង ៨ពាន់ករណី និងដកពិន្ទុជាង ១០ម៉ឺនពិន្ទុ

2023/01/30 01:17:36 pm        430

ភ្នំពេញ៖ ដំណើរការសាកល្បងពិន័យ និងដកពិន្ទុបណ្ណបើកបរ រយៈពេល៤ខែកន្លងមក បានរកឃើញមានល្មើសច្បាប់ចរាចរណ៍ចំនួនជាង ​៨ពាន់៧រយករណី និងបានដកពិន្ទុ សរុបជាង ១០ម៉ឺនពិន្ទុ។

ថ្លែងក្នុងពិធីបូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំឆ្នាំ២០២២ និងលើកទិស​ដៅ​ការងារឆ្នាំ២០២៣ ដែលធ្វើឡើងនាថ្ងៃទី៣០ ខែមករា ឆ្នាំ២០២៣ ​លោកជំទាវ មឹន មាណាវី រដ្ឋលេខា​ធិការក្រសួងសាធារណការ ​និងដឹកជញ្ជូន និងជាអគ្គលេខាធិការ​គណៈកម្មាធិការ​ជាតិ​សុវត្ថិភាព​ចរាចរណ៍ផ្លូវគោក មានប្រសាសន៍ថា ក្នុងរយៈពេលនៃដំណើរការសាកល្បងធ្វើការពិន័យ និង​ដកពិន្ទុបណ្ណបើកបរដោយឧបករណ៍បច្ចេកទេសរយៈពេលបួនខែកន្លងមក ​គិតចាប់ពីថ្ងៃទី០១ ខែកញ្ញា​ ដល់ថ្ងៃទី៣១ ខែធ្នូ ឆ្នាំ២០២២ សមត្ថកិច្ចបានរកឃើញមានអ្នកល្មើសច្បាប់ចរាចរណ៍ចំនួន ៨.៥១៣នាក់ ​ក្នុងនោះមានអ្នកបើកបររថយន្តធុនស្រាលមានចំនួន ៧.៤៧៧គ្រឿង រកឃើញល្មើស ៧.៥៧៩ករណី និងដកពិន្ទុសរុប ១០.១៦២ពិន្ទុ។ មានអ្នកបើកបររថយន្តធុនធ្ងន់ចំនួន ១.០៣៦គ្រឿង រកឃើញល្មើស ១.១៤៦ករណី និងដកពិន្ទុ ៦៦៥ពិន្ទុ។

លោកជំទាវ មឹន មាណាវី ​មានប្រសាសន៍បន្ថែមថា ​ចំពោះការត្រួតពិនិត្យអ្នកជិះម៉ូតូល្មើសមានសរុប ១១៥.៨០១គ្រឿង​ ក្នុងនោះ​មានមិនពាក់មួកសុវត្ថិភាព ​បានធ្វើការឃាត់បង្ខំឲ្យរកមួកមកពាក់ និង​ពិន័យចំនួន ៩៤ភាគរយ​ នៃករណីល្មើសសរុបរបស់អ្នកជិះម៉ូតូទាំង ១១៥.៨០១ករណី។

កម្មវិធីដកពិន្ទុបណ្ណបើកបរ ​និងការបង់ប្រាក់ពិន័យអន្តរការណ៍ទូទាំងប្រទេស​ចំពោះអំពើល្មើស​ច្បាប់​ស្តីពីចរាចរណ៍ផ្លូវគោក បានចាប់ផ្តើមអនុវត្តសាកល្បងចាប់ពីថ្ងៃទី០១ ​ខែកញ្ញា ​ឆ្នាំ២០២២ ដល់​ថ្ងៃទី៣១ ខែធ្នូ ឆ្នាំ២០២២ និងដំណើរការអនុវត្តពេញលេញនៅថ្ងៃទី០១​ ខែមករា ឆ្នាំ២០២៣។ ការដាក់ឲ្យដំណើរការកម្មវិធីនេះ ​ធ្វើឡើងក្នុងគោលបំណងបង្កើនប្រសិទ្ធភាពនៃការរឹតបន្តឹងការ​អនុវត្តច្បាប់​ស្តីពីចរាចរណ៍ផ្លូវគោក ​សំដៅកាត់បន្ថយគ្រោះថ្នាក់ចរាចរណ៍ផ្លូវគោក​ បានជាអតិបរមា ក៏​ដូចជាការបង្កលក្ខណៈងាយស្រួលជូនប្រជាពលរដ្ឋក្នុងការបង់ប្រាក់​ពិន័យអំពើល្មើស ច្បាប់​ស្ដីពីចរាចរណ៍ផ្លូវគោក ​និងធានាតម្លាភាពក្នុងការពិន័យអន្តរការណ៍ចំពោះអំពើល្មើស​ច្បាប់​ស្តីពីចរាចរណ៍ផ្លូវគោកផងដែរ៕ អត្ថបទ ៖ ប្រាក់ វ៉ាន់ដា

អត្ថបទដែលទាក់ទង

មន្ត្រីថ្នាក់ដឹនាំខេត្តព្រះសង្ឃពុទ្ធបរិស័ទខេត្តស្វាយរៀងប្រារព្ធពិធីបុណ្យវិសាខបូជារំលឹកកាលទាំង៣របស់ព្រះសម្មាសម្ពុទ្ធ
2025/05/11 06:56:15 pm        1
គិតត្រឹមដើមខែឧសភា ឆ្នាំ២០២៥នេះ គម្រោងសាងសង់ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) សម្រេចបានប្រមាណ ៣៣,៥០ % ហើយ
2025/05/11 06:15:20 pm        1
សម្ដេចធិបតី កោតសរសេីរ​ និងអបអរសាទរក្លឹបព្រះខ័នរាជស្វាយរៀង ទទួលបានជើងឯករងពាន AFC
2025/05/11 03:10:34 pm        1

បណ្ដាញសង្គម

ព័ត៌មានចុងក្រោយ

​មន្ត្រីថ្នាក់ដឹនាំខេត្តព្រះសង្ឃពុទ្ធបរិស័ទខេត្តស្វាយរៀងប្រារព្ធពិធីបុណ្យវិសាខបូជារំលឹកកាលទាំង៣របស់ព្រះសម្មាសម្ពុទ្ធ

2025/05/11 06:56:15 pm
​គិតត្រឹមដើមខែឧសភា ឆ្នាំ២០២៥នេះ គម្រោងសាងសង់ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) សម្រេចបានប្រមាណ ៣៣,៥០ % ហើយ
2025/05/11 06:15:20 pm
​អ៊ីរ៉ង់ និងអាមេរិកនឹងបន្តកិច្ចចរចានុយក្លេអ៊ែរឡើងវិញស្របពេលមានការប៉ះទង្គិចគ្នាក្នុងបន្ទាត់ក្រហម
2025/05/11 03:13:56 pm
​នាយករដ្ឋមន្ត្រីជប៉ុនលោក Ishiba ជំរុញឲ្យសហរដ្ឋអាមេរិកកុំយកពន្ធលើពាណិជ្ជកម្មរបស់ខ្លួន
2025/05/11 03:13:30 pm
​សម្ដេចធិបតី កោតសរសេីរ​ និងអបអរសាទរក្លឹបព្រះខ័នរាជស្វាយរៀង ទទួលបានជើងឯករងពាន AFC
2025/05/11 03:10:34 pm

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2025/05/10 02:04:07 am
​ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »
2025/05/09 06:02:09 am
​សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន
2025/05/08 09:23:18 pm
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2025/05/11 04:52:32 am
​កម្លាំងកងរាជអាវុធហត្ថរាជធានីភ្នំពេញ ចុះឡោមព័ទ្ធសណ្ឋាគារសឹងប៉ាវឡុង និងក្លឹបកំសាន្ត នៅខណ្ឌបឹងកេងកង
2025/05/09 06:39:34 am

ព័ត៌មានវីដេអូ

​រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

2024/09/02 09:13:57 am
ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់
2023/11/30 02:02:15 am
កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក
2023/06/12 07:57:12 pm
រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ
2022/10/14 08:38:02 am
សម្តេចតេជោ ហ៊ុន សែន អញ្ជើញទទួលទានអាហារពេលព្រឹក ជាមួយប្រធានរដ្ឋវៀតណាម
2022/09/27 09:16:39 am