ភ្នំពេញ ៖ ក្នុងពេលអញ្ជើញជាអធិបតីក្នុងពិធីបូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំឆ្នាំ២០២២ និងលើកទិសដៅ​ការងារឆ្នាំ២០២៣ នៅទីស្ដីការក្រសួងសាធារណការ និងដឹកជញ្ជូន នាថ្ងៃទី៣០ ខែម ករា ឆ្នាំ២០២៣ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានណែនាំដល់សមត្ថកិច្ច មិនត្រូវទារ​ប្រាក់​បន្ថែម នៅពេលប្រជាពលរដ្ឋទៅ​ដោះស្រាយ​យកម៉ូតូ ឬរថយន្ដ ដែលបានជួបគ្រោះថ្នាក់ចររាចរណ៍ ឬហេតុការណ៍ផ្សេងៗ ត្រឡប់មកវិញនោះទេ។

សម្ដេចក្រឡាហោមបន្តថា សមត្ថកិច្ចផ្សេងៗទៀត ដែលមានការពាក់ព័ន្ធ សូមអំពាវនាវ និងចូលរួម ដើ ម្បីដោះស្រាយបញ្ហានានា​ឱ្យបាន​ត្រឹមត្រូវ។ សម្ដេចបន្ថែមថាសមត្ថកិច្ចខ្លះ ពេលយកទៅប៉ុស្ដិ៍ ហើយ ពលរដ្ឋដែលបានជួបករណីនោះ និងបានដោះ​ស្រាយចប់​សព្វគ្រប់​រួចរាល់ពេលទៅយកឡាន ឬ ម៉ូតូ មកវិញមិនបានទាល់តែត្រូវបង់លុយថែម ទើបយកមកបាន។ សម្ដេចក្រឡាហោមបានស្នើកុំឱ្យមានករ ណីបែបហ្នឹងកើតមានតទៅទៀត។

សម្ដេចក្រឡាហោមក៏បានណែនាំដល់សមត្ថកិច្ចគ្រប់លំដាប់ថ្នាក់ ត្រូវរួមគ្នាដោះស្រាយបញ្ហានានាជូនប្រជាពលរដ្ឋ ឱ្យបានត្រឹមត្រូវបំផុត៕

ដោយ៖ គង់ ឌិន