ភ្នំពេញ ៖ សមត្ថកិច្ចត្រូវចាត់វិធានការឱ្យបានម៉ឺងម៉ាត់ និងគ្មានការលើកលែង លើអ្នកបើកបរ​ដែលស្ថិត​ក្រោមឥទ្ធិពល​នៃគ្រឿងញៀន និងគ្រឿងស្រវឹង។ នេះបើតាមសម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ថ្លែងក្នុងពេលអញ្ជើញជាអធិបតីក្នុងពិធីបូកសរុបលទ្ធផលការងារសុវត្ថិភាពចរាចរ ណ៍ផ្លូវគោកប្រចាំឆ្នាំ២០២២ និងលើកទិសដៅការងារឆ្នាំ២០២៣ នៅទីស្ដីការក្រសួងសាធារណការ និ ងដឹកជញ្ជូន នាថ្ងៃទី៣០ ខែមករា ឆ្នាំ២០២៣។

សម្ដេចក្រឡាហោមបញ្ជាក់បន្ថែមថា ទន្ទឹមនឹងការរៀបចំច្បាប់ ស្តីពីចរាចរណ៍ផ្លូវគោកថ្មី យើងត្រូវបន្តអនុវត្តច្បាប់ ដែលនៅជាធរមាន។ បន្តដឹកនាំរឹតបន្តឹងការអនុវត្តច្បាប់ឱ្យកាន់តែមានប្រសិទ្ធភាព និងនិរ ន្តរភាព ស្របតាម​តំបន់ភូមិសាស្ត្រ កន្លែងដែលកើតមានគ្រោះថ្នាក់ច្រើន ជាមួយគ្នានេះត្រូវ​យកចិត្តទុក​លើអ្នកបើកបរ​យាន​យន្ត​ស្ថិតក្រោមឥទ្ធិពលនៃគ្រឿងញៀន និងគ្រឿងស្រវឹង ដោយត្រូវចាត់វិធានឱ្យ បានម៉ឺងម៉ាត់ លើការពិន័យ ឬ បញ្ជូនទៅតុលាការ ដោយគ្មានការលើកលែង។

សម្ដេចក្រឡាហោមបន្ថែមថា អង្គភាពជំនាញត្រូវសិក្សាកសាងផែនការ និងមានវិធានការឱ្យបានច្បា ស់លាស់ តាមដំណាក់កាលនីមួយៗ ដើម្បីកសាងផ្លូវថ្មី ពង្រីក ឬជួសជុលកែលម្អផ្លូវថ្នល់ដែលមានស្រា ប់ បង្កើតចំណតឱ្យបានច្រើន និងចាត់វិធានការគ្រប់គ្រងដីចំណីផ្លូវឱ្យបានគត់មត់។ សម្ដេចក្រឡាហោ មបន្ដថា ជាមួយគ្នានេះ ត្រូវគិតគូរអំពីការបំពាក់បរិក្ខារផ្លូវថ្នល់ឱ្យបានគ្រប់គ្រាន់សមស្របតាមស្ថានភា ពផ្លូវ បន្តគាំទ្រដល់​ការបំពាក់កាមេរ៉ាអចល័តនៅតាមផ្លូវនានា និងត្រូវបែងចែកសមត្ថកិច្ចគ្រប់គ្រងថែ ទាំផ្លូវថ្នល់ឱ្យបានច្បាស់លាស់ រវាងថ្នាក់ជាតិ និងថ្នាក់ក្រោមជាតិ។

សម្ដេចក្រឡាហោម ក៏បានស្នើដល់មន្ត្រីអនុវត្តច្បាប់ទាំងអស់ និងមន្ត្រីពាក់ព័ន្ធ ត្រូវបង្កើនការកសាងស មត្ថភាព ចំណេះដឹងអំពីច្បាប់ ជំនាញ បច្ចេកទេសប្រតិបត្តិការរបស់ខ្លួន ស្របជាមួយនឹងក្រមសីលធម៌ វិន័យ អាកប្បកិរិយាល្អ ចំពោះប្រជាពលរដ្ឋផងដែរ៕

​

ដោយ៖ គង់ ឌិន