ភ្នំពេញ៖ នាយឧត្តមសេនីយ៍ ខេង សុមេធ អគ្គស្នងការរងនគរបាលជាតិ បានធ្វើការជំរុញដល់នគរបាលគ្រ ប់អង្គភាពទាំងអស់ទាំងព្រំដែនគោក និងទឹកត្រូវសាមគ្គីគ្នាធ្វើការដើម្បីផលប្រយោជន៍ប្រទេសជាតិ បូរ ណភាពទឹកដី និងផលប្រយោជន៍របស់ប្រជាពលរដ្ឋ បើទោះបីជាស្ថានការណ៍ព្រំដែនជាមួយប្រទេសជិតខាងពុំមានបញ្ហា អ្វីកើតឡើងក៏ដោយនោះ។
ថ្លែងនៅក្នុងពិធីកិច្ចប្រជុំ ស្តីពីការពង្រឹងការងារការពារសន្តិសុខសណ្តាប់ធ្នាប់នៅតាមតំបន់ព្រំដែន នាថ្ងៃទី៣០ ខែមករា ឆ្នាំ២០២៣នេះ ឯកឧត្តម នាយឧត្តមសេនីយ៍ខេង សុមេធ បានលើកឡើងថា ស្ថានការណ៍ព្រំដែនទាំងគោក និងទឹកជាមួយប្រទេសជិតខាងមានភាពល្អប្រសើរក៏ពិតមែន ប៉ុន្តែក្នុងនាមយើង ជានគរបាលការពារមិនត្រូវធ្វេសប្រហែស ឬមើលរំលងសភាពការណ៍នោះឡើយ ជាពិសេសគឺបញ្ហាឧក្រិដ្ឋ កម្មឆ្លងដែន ការរត់ពន្ធឆ្លងដែនខុសច្បាប់ ការជួញដូរគ្រឿងញៀនខុសច្បាប់ត្រូវតែធ្វើការសហការគ្នាជាមួយអាជ្ញាធរមូលដ្ឋានទប់ស្កាត់ឲ្យបាន ដើម្បីសន្តិសុខសង្គម និងប្រទេសជាតិទាំងមូលនោះ។
នាយឧត្តមសេនីយ៍បានបញ្ជាក់ថា«ក្នុងនាមយើងជាសេនាធិការឲ្យអគ្គស្នងការនគរបាលជាតិ ក៏ដូចជាក្រសួងមហាផ្ទៃ គប្បីមានគោលការណ៍ និងផែនការណ៍យុទ្ធសាស្ត្រច្បាស់លាស់ លើកិច្ចការពារបូរណ ភាពទឹកដី អធិបតេយ្យភាពជាតិ រក្សាសន្តិសុខសណ្តាប់ធ្នាប់នៅតាមបណ្តោយព្រំដែនទាំងគោក និង ទឹក និងការងារបញ្ចេកទេសព្រំដែនជាមួយប្រទេសជិតខាងកម្ពុជាយើង»។
នាយឧត្តមសេនីយ៍ក៏បានប្រាប់ដល់ មេឆ្មាំការពារព្រំដែនទាំងអស់ត្រូវដឹកនាំការងារថែរក្សា ការពារប ង្គោលព្រំដែន បង្គោលខណ្ឌសីមាព្រំដែន និងបរិស្ថានព្រំដែន។ ដឹកនាំការពារសន្តិសុខ សណ្តាប់ធ្នាប់តាមបណ្តោយព្រំដែន។ ដឹកនាំការងារបង្ការទប់ស្កាត់ និងបង្ក្រាបបទល្មើសឆ្លងដែន ភេរវកម្ម និងចោរសមុទ្រ និងត្រូវក្តាប់សភាពការណ៍ ប្រមូលព័ត៌មានឲ្យបានជាប់ជាប្រចាំ ដើម្បីរកវិធានការទប់ស្កាត់ និងការពារបន្ថែមនោះ។
ជាមួយគ្នានោះដែរ នាយឧត្តមសេនីយ៍ ខេង សុមេធ ក៏បានប្រាប់ដល់នគរបាលការពារព្រំដែនទាំងគោ ក និងទឹកទាំងអស់ត្រូវធ្វើការសហការគ្នាជាមួយប្រទេសជិតខាង ដើម្បីសន្តិសុខ សណ្តាប់ធ្នាប់ជូន ដ ល់បងប្អូនដែលកំពុងរស់នៅតាមបណ្តោយព្រំដែន និងមួយវិញទៀតមិនត្រូវធ្វើការងារអ្វីរំខានដល់បងប្អូនប្រជាពលរដ្ឋដែលរស់នៅក្នុងតំបន់ទាំងនោះឡើយ៕ អត្ថបទ៖ បាន ចក់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
