អន្ដរជាតិ៖ រដ្ឋមន្រ្តីការពារជាតិសហរដ្ឋអាមេរិកលោក Lloyd Austin បានធ្វើដំណើរទៅកាន់ប្រទេសកូរ៉េខាងត្បូង និង​ប្រទេស​ហ្វីលីពីន ដើម្បីពង្រឹងភាពជាដៃគូការពារជាតិរវាងប្រទេសទាំង ៣ និង​ស្ថិរភាពក្នុងតំបន់។

ដំណើរទស្សនកិច្ចនេះ កើតមានឡើង​រយៈពេលប៉ុន្មានសប្តាហ៍ប៉ុណ្ណោះ​ ក្រោយ​លោក Austinនិងរដ្ឋមន្រ្តីការបរទេស​សហរដ្ឋ​អាមេរិកលោក Antony Blinken មាននូវជំនួបគណៈកម្មាធិការប្រឹក្សាសន្តិសុខជាមួយជប៉ុន។

ពួកគេ​បាន​ជួបរដ្ឋមន្រ្តីការបរទេសជប៉ុន លោក Hayashi Yoshimasa និងរដ្ឋមន្រ្តីការពារជាតិជប៉ុន លោក Hamada Yasukazu ​នៅឯក្រសួងការបរទេសសហរដ្ឋអាមេរិក៕