ភ្នំពេញ ៖ ក្រសួងវប្បធម៌ និងវិចិត្រសិល្បៈនៅថ្ងៃទី៣១ ខែមករា ឆ្នាំ២០២៣ បានឱ្យដឹងថាក្នុងចំណោមស្ថាប័នអន្តរ​ជាតិ​​​​ជាច្រើនដែលបានចូលមករួមចំណែកលើការងារជួសជុលអភិរក្សក្នុងតំបន់រមណីយដ្ឋានអង្គរ ក្នុ ងនោះក៏មានស្ថាប័ន GIZ នៃប្រទេសអាល្លឺម៉ង់ផងដែរ ដោយបានខិតខំរួមចំណែកក្នុងការងារជួយបណ្តុះបណ្តាលធនធានមនុស្ស​របស់​ប្រទេសកម្ពុជា លើជំនាញព្យាបាល និងអភិរក្សថ្ម អស់ជាច្រើនឆ្នាំមកហើយ។ ការខិតខំប្រឹងប្រែងលើវិស័យបេតិកភណ្ឌនេះ ក្នុងគោលបំណងបង្កើនអ្នកជំនាញជំនាន់ថ្មី ពង្រឹងលើសមត្ថភាព​ឱ្យកាន់​តែល្អប្រសើរ ដើម្បីបន្តការងារអភិរក្សប្រាសាទបុរាណនៅក្នុងតំបន់រមណី យដ្ឋានអង្គរ ដោយស្នាដៃ​កូនខ្មែរខ្លួន​ឯង​ផ្ទាល់។

លោក Christoph BUECKER អ្នកជំនាញអភិរក្សថ្មមកពីស្ថាប័ន GIZ បានឱ្យដឹងថា វត្តមានរបស់ GIZ នៅតំបន់អង្គរ គឺដើម្បីបង្ហាត់បង្រៀនអ្នកជំនាញខ្មែរ ដែលកំពុងបម្រើការនៅក្នុងអាជ្ញាធរជាតិអប្សរា ឱ្យចេះជំនាញសង្កេតថ្ម ជួយជំរុញបន្ថែមទៀតនូវជំនាញអភិរក្សថ្ម ការមើលចម្លាក់ថ្ម និងការព្យាបាលចម្លា ក់ថ្មនៅតាមប្រាសាទបុរាណនានា។ លោកបន្តថា ចាប់តាំងពីឆ្នាំ២០០៧ មក GIZ បានជួយបណ្តុះបណ្តាលជនជាតិខ្មែរជាច្រើនក្នុងជំនាញផ្នែកអភិរក្សថ្ម ហើយការបណ្តុះបណ្តាលនេះបានបែងចែកជាវគ្គៗ រយៈពេលបីឆ្នាំម្តង។ បច្ចុប្បន្ន GIZ ក៏មានគម្រោងជាច្រើនទៀត សម្រាប់បណ្តុះបណ្តាលធនធានមនុស្សនៅកម្ពុជាផងដែរ។ គម្រោងទាំងនោះ បានប្រើប្រាស់ថវិការបស់ស្ថាប័ន GIZ នៃប្រទេសអាល្លឺម៉ង់ទាំងស្រុង សម្រាប់ផ្គត់ផ្គង់ទាំងសម្ភារ ទ្រឹស្តី និងបច្ចេកទេសមួយចំនួន ដែលត្រូវនាំយកពីក្រៅប្រ ទេស នៅពេលបើកវគ្គបង្រៀនម្ដងៗ។

លោកបន្ថែមថា GIZ ក៏បានជួយឧបត្ថម្ភសម្ភារមួយចំនួនទៀតដល់ផ្នែកពិសោធន៍ ដោយមានម៉ាស៊ីនពិ សោធន៍ដែល​អាច​ធ្វើ​តេស្តទៅលើថ្មមួយចំនួន ព្រមទាំងអាចជួយបន្សាបជាតិអំបិលនៅលើថ្ម និងពីរ បៀបថាតើត្រូវដកយក​ជាតិ​អំបិលចេញ ពីថ្មដោយរបៀបណាទៀតផង។

លោកបញ្ជាក់បន្ថែមថា តាមរយៈការបណ្ដុះបណ្ដាលអ្នកជំនាញអភិរក្ស និងព្យាបាលថ្មនៅក្នុងតំបន់រម ណីយដ្ឋានអង្គរ សព្វថ្ងៃនេះ ធនធានមនុស្សខ្មែរជំនាន់ថ្មីមានចំនួនកើនឡើង មានសមត្ថភាពបំពេញកា រងារនៅតាមការដ្ឋាន​ជួសជុល​ប្រាសាទដោយខ្លួនឯង ដោយពុំចាំបាច់មានអ្នកជំនាញបរទេសទាំងស្រុ ងដូចកាលពីមុនទៀតឡើយ។ លើសពីនោះ សិក្ខាកាមទាំងអស់ហាក់មានចិត្តស្រលាញ់កេរមរតកដូន តាខ្លួនផង ដោយបានខិតខំយកចិត្តទុករៀនសូត្រ​រហូតក្លាយ​ខ្លួនជាអ្នកជំនាញ ប្រែខ្លួនពីមនុស្សម្នាក់ដែ លចេះសង្កេត តាមដានថ្ម និងបន្តថែរក្សាសម្បត្តិ​បេតិកភណ្ឌរបស់​ខ្លួនទៀត​ផង៕

​

ដោយ៖ គង់ ឌិន​