អន្ដរជាតិ៖ រដ្ឋមន្រ្តីក្រសួងការពារជាតិអ៊ុយក្រែនលោក Oleksii Reznikov និយាយថា រុស្ស៊ីបានត្រៀមខ្លួនវាយលុកទ្រង់ទ្រាយធំ ​នៅថ្ងៃទី២៤ ខែកុម្ភៈ​ខាង​មុខនេះ។ លោក Reznikovនិយាយថា ទីក្រុងម៉ូស្គូ បានប្រមូលផ្តុំទាហានរាប់ម៉ឺននាក់ ហើយនឹងអាចចាប់ផ្តើមវាយលុក​នៅថ្ងៃ​ខួប ១ឆ្នាំ នៃការវាយប្រហារអ៊ុយក្រែនរបស់ពួកគេ​។

លោកបន្តថា ការវាយប្រហារ​អាចនឹងចាប់ផ្តើមនៅថ្ងៃទិវាមាតុភូមិការពារជាតិរុស្ស៊ីនាថ្ងៃទី ២៣ ខែកុម្ភៈ​ផងដែរ ដែល​ជាថ្ងៃអបអរកងទ័ព។ លោក Reznikovថា ទីក្រុង​ម៉ូស្គូ​បានកែណ្ឌទាហានប្រហែល ៥០ម៉ឺននាក់ សម្រាប់​ការវាយលុកទ្រង់​ទ្រាយ​ធំលើកនេះ៕