​អ៊ុយក្រែន៖ លោក​ប្រធានាធិបតី​អ៊ុយ​ក្រែ​ន Volodymyr Zelenskiy ជំរុញ​ដល់​បណ្ដា​មេដឹកនាំ​សហភាព​អឺរ៉ុប​ទៅកាន់​ទីក្រុង Kyiv កាលពី​ថ្ងៃ​ព្រហស្បតិ៍ ដើម្បី​ដាក់​សម្ពាធ​បន្ថែមទៀត​លើ​រុស្ស៊ី ស្រប​ពេល​ដែល​ក្រុម​មន្ត្រី​សហភាព​អឺ​រ៉ុប​ជាច្រើន​នាក់​បាន​ទៅដល់​ទីក្រុង Kyiv ជាទី​ដែល​លោក​ប្រធានាធិបតី Vladimir Putin រំលឹក​ជ័យ​ជម្នះ​សង្គ្រាមលោកលើកទី​២ លើ​ពួក​ណា​ស៊ី​ដើម្បី​បង្រួបបង្រួម​ប្រទេស​របស់​លោក​។

​លោក Zelenskiy បាន​ពិភាក្សា​ពី​កញ្ចប់​ទណ្ឌកម្ម​ថ្មី​របស់​សហភាព​អឺរ៉ុប ជាមួយ​ប្រធាន​គណៈកម្មការ​សហភាព​អឺរ៉ុប​លោកស្រី Ursula von der Leyen​។ ​ក្រុម​អ្នក​សង្គ្រោះ​បាន​កាយ​កម្ទេច​ថ្ម​នៅ​ក្នុង​ទីក្រុង Kramatorsk ភាគ​ខាងកើត​អ៊ុយ​ក្រែ​ន​ ជាទី​ដែល​ការវាយប្រហារ​ដោយ​មី​ស៊ី​ល​ទាំង​យប់​អធ្រាត្រ​របស់​រុស្ស៊ី បាន​បំផ្លិចបំផ្លាញ​អគារ​អឹ​ផាត​មិន និង​អគារ​ចំនួន​ ៩​កន្លែង​ទៀត ព្រមទាំង​បាន​សម្លាប់​មនុស្ស ​៣​នាក់ និង​ ១៨​នាក់​រង​របួស​។ រុស្ស៊ី​ដែល​បាន​ប្ដេជ្ញា​បង្កើត​ភាព​រីកចម្រើន​ឲ្យ​បាន​ច្រើន​នៅ​ក្នុង​សមរភូមិ មុន​ពេល​អ៊ុយ​ក្រែ​ន​ទទួល​បាន​រថក្រោះ និង​រថយន្ត​ប្រយុទ្ធ​តាម​ការសន្យា​ពី​លោក​ខាង​លិច មាន​សន្ទុះ​ខ្លាំង​នៅក្នុង​សមរភូមិ​ជួរមុខ​ភាគ​ខាងកើត និង​បាន​ប្រកាស​ពី​ការ​រុលទៅមុខ​នៅ​ភាគ​ខាងជើង និង​ខាងត្បូង​ក្នុង​តំបន់ Bakhmut ដែល​រង​ការបំផ្លិចបំផ្លាញ​ខ្លាំង​ពី​ការទម្លាក់​គ្រាប់បែក​របស់​រុស្ស៊ី​ជា​ច្រើន​ខែ​មកនេះ​។

​លោក Putin បាន​រំលឹក​ថា នូវ​អ្វីដែល​លោក​បាន​និយាយថា ស្មារតី​របស់​ក្រុម​អ្នកការពារ​ជាតិ​នៃ​ទីក្រុង Stalingrad នឹង​ពន្យល់​ពី​មូលហេតុ​ដែល​លោក​គិតថា រុស្ស៊ី​នឹង​វាយលុក​ចូលក្នុង​ប្រទេស​អ៊ុយ​ក្រែ​ន ដោយ​និយាយ​ថា សង្គ្រាមលោកលើកទី​២​ បាន​ក្លាយ​ជា​និមិត្តរូប​ដែល​មិន​អាច​បំផ្លិចបំផ្លាញ​ប្រជាជាតិ​យើង​បាន​៕ អត្ថបទ៖ សុខមាន