ភ្នំពេញ ៖ ឯកឧត្តម ឃួង ស្រេង ថ្លែងថា ប្រទេសជាតិមានសុខសន្តិភាពពេញលេញ ទើបយើង​មាន​ឱកាស​ប្រកបរបរ​ទទួលទាន និងកសាងអភិវឌ្ឍន៍ប្រទេសឲ្យរីកចំរើនរុងរឿងបាន។

ប្រទេសជាតិមានសុខសន្តិភាពពេញលេញ ទើបយើង​គ្រប់គ្នាមាន​ឱកាសក្នុងការ​ប្រកបរបរ​ទទួល​ទាន ​និងកសាង​អភិវឌ្ឍន៍​ប្រទេសឲ្យរីកចំរើនរុងរឿងបាន ដូច្នេះត្រូវរួម​គ្នារក្សា​សន្តិភាព​នេះ​ឲ្យបាន​គង់វង្ស។ នេះជាការលើកឡើងរបស់ឯកឧត្តម ឃួ ង ស្រេង សមាជិក គណៈកម្មាធិការ កណ្តាល គណបក្ស ប្រជាជន កម្ពុជា និងជាប្រធាន គណៈកម្មាធិកា រគណបក្ស រាជធានីភ្នំពេញ បាន​ថ្លែង​ក្នុងពិធីប្រកាសទទួលស្គាល់សាខាគណបក្ស ក្រុមហ៊ុន ពិភពដីមាស គ្រុបចំនួន៣៥០នាក់ នារ​សៀលនៅថ្ងៃទី០៣ ខែកុម្ភៈ ឆ្នាំ២០២៣ នៅទីស្នាក់ការ​គណបក្សប្រជាជនរាជធានីភ្នំពេញ។

ឯកឧត្តម ឃួ ង ស្រេង បានថ្លឺងថា ការចូលរួមរបស់បងប្អូនទាំង៣៥០នាក់ ដែល​បាន​មក​រួមរស់​ជីវភាព​ជាមួយ​គណបក្សប្រជាជនកម្ពុជា នៅពេលនេះ គឺបញ្ជាក់​ឲ្យឃើញ​ពីការ​សម្រេច​ចិត្តដ៏​ត្រឹមត្រូវ​របស់ ក្នុងការ​ថែរក្សា​កេរ្តិ៍តំណែល និងសមិទ្ធផលរបស់ដូនតាយើងពីមុនមក នោះគឺថែរក្សា ការពារសន្តិភាព ដែលរកបាន​មកដោយ​លំបាករបស់សម្តេចតេជោ ហ៊ុន សែន។ មានសន្តិភាព គឺមានអ្វីគ្រប់យ៉ាង ចង់ប្រកបរបរទទួលទាន រៀនសូត្រ ចង់ធ្វើដំណើរទៅណាមកណាដោយសេរី មិនភ័យខ្លាចអ្វីទាំងអស់។

ក្នុងឱកាសនោះ ឯកឧត្តម ឃួង ស្រេង ក៏បានលើក​ឡើងពីទុក្ខវេទនា​របស់​ប្រជាពលរដ្ឋ​កម្ពុជា​ក្នុងរបប ប៉ុល ពត ដែលរស់នៅក្នុងភាពភ័យខ្លាច និងស្រេកឃ្លានជាទីបំផុត និងបានលើក​ឡើង​ពីគុណបំណាច់របស់ គណបក្ស ប្រជាជន កម្ពុជា ដែលដឹកនាំដោយសម្តេចតេជោ ហ៊ុន សែន ក្នុងការតស៊ូរំដោះប្រទេសជាតិចេញពីរបបដ៏ខ្មៅងងឹតមួយនេះ។ ដើម្បីអភិវឌ្ឍន៍ប្រទេសជាតិមួយទៅបាន សម្តេចតេជោ ហ៊ុន សែន បានមើលឃើញថា មានតែ​ប្រទេស​មានសន្តិភាពទេ ទើបយើងអាចអភិវឌ្ឍន៍ប្រទេសជាតិឲ្យរីកចំរើនជឿនលឿនបាន ។ ដូច្នេះហើយ ទើបសម្តេចលះបង់គ្រប់បែបយ៉ាង រហូតយកអំណាចរបស់សម្តេចមកដាក់លើជើងពាន បង្កើតអឲ្យមានការបោះឆ្នោត ដោយសេរីពហុបក្ស និង​ជា​បន្តបន្ទាប់មកទៀត ដោយអនុវត្តគោល​នយោបាយ ឈ្នះ ឈ្នះ របស់សម្តេច ទើបប្រទេសជាតិ​មានសន្តិភាព​ពេញលេញ ដែលធ្វើឲ្យ​ប្រទេសកម្ពុជា មានឱកាស​ក្នុងការកសាងអភិវឌ្ឍន៍ប្រទេស​រីកចំរើនរុងរឿង​មកដល់​បច្ចុប្បន្ននេះ។

ឯកឧត្តម ឃួង ស្រេង សូមឲ្យសមាជិក​ម្នាក់ក្លាយ​ជាសន្លឹកឆ្នោត១​សន្លឹករបស់​គណបក្សប្រជាជនកម្ពុជា នៅពេល​បោះឆ្នោត២០២៣ខាងមុខនេះ ដើម្បីមានឱកាស​កសាង​អភិវឌ្ឍន៍​ប្រទេសឲ្យរីកចំរើនរុងរឿងបន្ថែមទៀត៕ អត្ថបទ ៖ ប្រាក់ វ៉ាន់ដា