មនុស្ស ២៧ នាក់បានស្លាប់នៅក្នុងរដ្ឋអ៊ីហ្គាតូរីយ៉ា(Equatoria) ភាគកណ្តាលប្រទេសស៊ូដង់ខាងត្បូង ក្នុងអំពើហិង្សាសងសឹក រវាងអ្នកគង្វាលសត្វ និងសមាជិកកងជីវពលនៅមុនថ្ងៃ នៃដំណើរទស្សនកិច្ចរបស់សម្តេចប៉ាបហ្រង់ស៊ីស ទៅកាន់ប្រទេសនេះ។
សម្តេចប៉ាប មានផែនការទៅកាន់ប្រទេសស៊ូដង់ខាងត្បូងពីសាធារណរដ្ឋប្រជាធិបតេយ្យកុងហ្គោដែលនៅជិតខាង ដោយសង្ឃឹមថា នឹងចាប់ផ្តើមដំណើរការសន្តិភាព ក្នុងគោលបំណងបញ្ចប់ជម្លោះរយៈពេលមួយទសវត្សរ៍ដែលភាគច្រើនបានប្រយុទ្ធគ្នាលើក្រុមជនជាតិភាគតិចដែលបណ្តាលឲ្យមនុស្សរាប់សែននាក់ស្លាប់។
អាជ្ញាធរតំបន់បាននិយាយថា បន្ទាប់ពីអ្នកប្រយុទ្ធពីក្រុមឧទ្ទាម បានសម្លាប់មនុស្ស ៦ នាក់មកពីសហគមន៍ចិញ្ចឹមសត្វ ក្រុមអ្នកចិញ្ចឹមសត្វបានសងសឹកកាលពីថ្ងៃព្រហស្បតិ៍ ទី ២ ខែកុម្ភៈ ដោយបានបណ្តាលឲ្យជនស៊ីវិល ២១ នាក់ស្លាប់នៅក្នុងតំបន់ក្បែរនោះ រួមទាំងកុមារ ៥ នាក់ និងស្ត្រីមានផ្ទៃពោះម្នាក់។
កិច្ចព្រមព្រៀងសន្តិភាពដែលបានចុះហត្ថលេខាក្នុងឆ្នាំ ២០១៨ ដោយភាគីសំខាន់ៗចំពោះសង្គ្រាម ស៊ីវិលពីឆ្នាំ ២០១៣ ដល់ឆ្នាំ ២០១៨ បានកាត់បន្ថយអំពើហិង្សាយ៉ាងច្រើននៅក្នុងប្រទេសស៊ូដង់ខាងត្បូងក្នុងរយៈពេលប៉ុន្មានឆ្នាំថ្មីៗនេះ ប៉ុន្តែការប៉ះទង្គិចកម្រិតទាបរវាងសហគមន៍គូប្រជែងបានផ្ទុះឡើងជាប្រចាំ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
