គម្រោងសាងសង់ស្ពានអាកាសព្រះមុន្នីវង្ស កំពុងដំណើរការខួងគ្រឹះ​សសរ​២១៩ដើម

2023/02/07 11:07:12 am        752

ភ្នំពេញ៖ ការដ្ឋានសាងសង់ស្ពានអាកាសព្រះមុនីវង្ស ដែលជាស្ពានអាកាសមានរង្វង់មូលលើ​អាកាស​ដំបូងគេនៅកម្ពុជា ​បាននឹងកំពុងដំណើរការសាងសង់​យ៉ាង​មមាញឹក ខណៈមកដល់​ពេលនេះក្រុមបច្ចេកទេសកំពុងខួងគ្រឹះសសរ ២១៩ដើម នៅលើផ្លូវ៦០ម៉ែត្រ និងផ្លូវព្រះមុនីវង្ស។

លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងនៅថ្ងៃទី០៧ ខែកុម្ភៈ ​ឆ្នាំ២០២៣នេះថា ​គម្រោងសាងសង់ស្ពាន​អាកាសព្រះមុន្នីវង្ស បច្ចុប្បន្ន​ខាងក្រុមហ៊ុន​កំពុងតែធ្វើការខួងគ្រឹះស្ពានដែលទាំងអស់មានចំនួន ២១៩ដើម ​ហើយទើបនឹងបានបញ្ចប់ការខួង និងចាក់បេតុងបានប្រមាណ ២៥ដើម ស្មើនឹង ១១.៤១ភាគរយនៃគម្រោង ។

ប្រធានមន្ទីរសាធារណការ ​និងដឹកជញ្ជូនរាជធានីភ្នំពេញបានបន្ថែមថា ​ចំពោះមុខ គឺការដ្ឋាន​កំពុងមានសកម្មភាពនៅលើផ្លូវ៦០ ម៉ែត្រ នៅតំបន់ N1 បានខួងគ្រឹះរួចរាល់ចំនួន ២២ដើម និង​នៅតំបន់ N2 កំពុងរៀបចំការដ្ឋានដើម្បីធ្វើការខួងគ្រឹះបន្ត ​តែតំបន់នេះ​ក៏ពិបាកក្នុងការរៀបរបាំង​ការដ្ឋាន​ផងដែរ ដោយសារប្រជាពលរដ្ឋមានការតវ៉ា។

លោក សាំ ពិសិដ្ឋ បន្ថែមទៀតថា ចំពោះនៅលើផ្លូវព្រះមុនីវង្ស ​នៅតំបន់ N3 ក្រុមបច្ចេកទេស​បានធ្វើការខួងគ្រឹះបានចំនួន ៣ដើម និងរង់ចាំការដោះស្រាយផលប៉ះពាល់​ ដើម្បីបន្តការងារទៀត។ ដោយឡែកនៅលើផ្លូវ២៧១ ពុំទាន់បានចូលសាងសង់នៅឡើយនោះទេ។

ការសាងសង់ស្ពានអាកាសព្រះមុនីវង្ស ​គឺដើម្បីសម្រួលការធ្វើចរាចរណ៍ក្នុងរាជធានីភ្នំពេញ ដែល​មាន​កំណើនយានយន្ត ​និងការធ្វើចរាចរណ៍កាន់តែច្រើនឡើងពីមួយឆ្នាំទៅមួយឆ្នាំ។ ស្ពានអាកាសនេះ ​សាងសង់ស្ថិតនៅចំណុចប្រសព្វមហាវិថីសម្តេចតេជោ ​ហ៊ុន សែន មហាវិថី​ព្រះមុនីវង្ស ​ជាមួយវិថីកងយោធពលខេមរភូមិន្ទ ​ហៅផ្លូវលេខ២៧១ ក្នុងទឹកដីខណ្ឌចំការមន និងខណ្ឌមានជ័យ។ ស្ពានអាកាសទាំងនេះ សាងសង់​ដោយក្រុមហ៊ុនវិនិយោគទុន​អាណិកជន​កម្ពុជា OCIC គ្រោងចំណាយថវិកា ៣៦,៧៧៥,០០០ដុល្លារ និងចំណាយពេលវេលាសាងសង់ ៣៦ខែ។

គម្រោងស្ពានអាកាស ព្រះមុនីវង្ស មានសាងសង់ផ្លូវផ្ទាល់ដី ​ដែលមានរង្វង់មូលបែងចែកទិស និង​ផ្លូវតភ្ជាប់រវាងមហាវិថីព្រះមុនីវង្ស ​មហាវិថីសម្តេចតេជោ ហ៊ុន សែន ​វិថីកងយោធពលខេមរភូមិន្ទ ឆ្ពោះទៅស្ពានព្រះមុនីវង្ស និងផ្លូវជាតិលេខ២។​ បន្ទាប់មកសាងសង់ស្ពានអាកាសចំនួនពីរជាន់។ ស្ពានអាកាសជាន់ទី១ ជាស្ពានរង្វង់មូល នៅត្រង់ចំណុចប្រសព្វ ដែលបំបែកខ្នែងជាបួនទិសផ្សេងគ្នា ទៅកាន់មហាវិថីសម្តេចតេជោ ហ៊ុន សែន ស្ពានព្រះមុនីវង្ស មហាវិថីព្រះមុនីវង្ស និងវិថីកងយោធពលខេមរភូមិន្ទ។ ស្ពានអាកាសជាន់ទី២ ជាផ្លូវទ្វេទិស មានទិសដៅទៅមក រវាងមហាវិថីព្រះមុនីវង្ស និងមហាវិថីសម្តេចតេជោ ហ៊ុន សែន។ ក្រៅពីស្ពានអាកាស ព្រះមុនីវង្ស រដ្ឋបាលរាជធានីភ្នំពេញក៏បានតៀមដំណើរការការដ្ឋានសាងសង់ស្ពានអាកាសមួយកន្លែងទៀតស្ថិតនៅចំណុចប្រសព្វមហាវិថីសហព័ន្ធរុស្ស៉ី ជាមួយមហាវិថីសម្ដេចចៅហ្វាវាំងវរវៀងជ័យអធិបតីស្រឹង្គារ គង់ សំអុល ហៅផ្លូវលេខ២០០៤ ក្នុងខណ្ឌពោធិ៍សែនជ័យ។

បច្ចុប្បន្ននៅក្នុងរាជធានីភ្នំពេញ មានស្ពានអាកាសចំនួន៦ ដែលបានសាងសង់រួចរាល់ និងកំពុង​ប្រើប្រាស់ រួមមាន ស្ពានអាកាសក្បាលថ្នល់ ស្ពានអាកាស៧មករា ស្ពានអាកាសស្ទឹងមានជ័យ ស្ពានអាកាស៥មករា ស្ពានអាកាសមិត្តភាពកម្ពុជា-ចិន សែនសុខ ឬហៅថា ស្ពានអាកាស​ផ្សារដីហ៊ុយ និងស្ពានអាកាសចោមចៅ។ ​ក្រៅពីនេះ ស្ពានអាកាសមួយទៀត គឺស្ពានអាកាស​លើផ្លូវជាតិលេខ៥ បាននឹងកំពុងដំណើរការសាងសង់តាំងពីខែមករា ឆ្នាំ២០២២មកក៏ជិតរួចរាល់​ហើយដែរ៕ អត្ថបទ ៖ ប្រាក់ វ៉ាន់ដា

អត្ថបទដែលទាក់ទង

នាយករដ្ឋមន្រ្តីកម្ពុជា៖ កងទ័ពកម្ពុជា និងតួកគីអាចនឹងធ្វើលំហាត់រួមគ្នាពេលអនាគត ដើម្បីបង្កើនភាពស្និទ្ធស្នាល
2023/10/04 07:02:03 pm        1
កម្ពុជាកំពុងរៀបចំបង្កើតអាជ្ញាធរជាតិដោះស្រាយវិវាទក្រៅប្រព័ន្ធតុលាការ
2023/10/04 06:51:26 pm        1
តួកគីចង់ពង្រីកកិច្ចសហប្រតិបត្តិការទៅលើវិស័យ សុខាភិបាល, កសិកម្ម, បរិស្ថាន, ការពារជាតិ ជាមួយកម្ពុជា
2023/10/04 06:38:42 pm        1

បណ្ដាញសង្គម

ព័ត៌មានចុងក្រោយ

​រូបភាពផ្កាយរណបឃើញព្យុះត្រូពិក Philippe បោកបក់មកដល់ដីគោកនៅកោះ Leeward

2023/10/04 08:28:45 pm
​ការរញ្ជួយដីនៅប្រទេសនេប៉ាល់ បានធ្វើឲ្យរង្គើហាងជាច្រើន និងខូចខាតសាលារៀន ១ខ្នង
2023/10/04 08:25:51 pm
​រដ្ឋាភិបាលកូឡុំប៊ី សុំទោសគ្រួសារជនរងគ្រោះសម្រាប់ការសម្លាប់ក្រៅប្រព័ន្ធតុលាការរបស់កងទ័ពកាលពីចុងទសវត្សរ៍ឆ្នាំ២០០០
2023/10/04 07:34:26 pm
​គ្រូបង្រៀនចូលនិវត្តន៍ប៉ាឡេស្ទីន ព្យាយាមផ្សព្វផ្សាយវប្បធម៌ Bedouin ដល់ភ្ញៀវបរទេសនៅជ្រលងភ្នំហ្សកដានី
2023/10/04 07:03:25 pm
​នាយករដ្ឋមន្រ្តីកម្ពុជា៖ កងទ័ពកម្ពុជា និងតួកគីអាចនឹងធ្វើលំហាត់រួមគ្នាពេលអនាគត ដើម្បីបង្កើនភាពស្និទ្ធស្នាល
2023/10/04 07:02:03 pm

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2023/10/04 01:13:13 am
​សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន
2023/10/04 03:11:36 am
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2023/10/03 01:48:39 am
​កម្លាំងកងរាជអាវុធហត្ថរាជធានីភ្នំពេញ ចុះឡោមព័ទ្ធសណ្ឋាគារសឹងប៉ាវឡុង និងក្លឹបកំសាន្ត នៅខណ្ឌបឹងកេងកង
2023/09/30 08:04:05 am
​កម្ពុជារកឃើញអូមីក្រុងបំប្លែងថ្មី ប្រភេទ BA4 និង BA5 មានលទ្ធភាពឆ្លងលឿន
2023/10/04 09:13:13 am

ព័ត៌មានវីដេអូ

​កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

2023/06/12 07:57:12 pm
រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ
2022/10/14 08:38:02 am
សម្តេចតេជោ ហ៊ុន សែន អញ្ជើញទទួលទានអាហារពេលព្រឹក ជាមួយប្រធានរដ្ឋវៀតណាម
2022/09/27 09:16:39 am
ប្រសាសន៍សំខាន់ៗរបស់សម្តេចតេជោ ក្នុងពិធីជួបសំណេះសំណាលជាមួយប្រតិភូ​កីឡា​អាស៊ានប៉ារ៉ាហ្គេម
2022/07/06 10:23:47 am
សម្ដេចតេជោណែនាំឱ្យមាតាបិតាអាណាព្យាបាលសិស្សកុំវាយតម្លៃកូនខ្លួនឯងប្រៀបធៀបជាមួយកូនអ្នកដទៃ
2022/05/03 05:09:51 am