ទួរគី៖ អង្គការសុខភាពពិភពលោកបានព្រមានកាលពីថ្ងៃអង្គារថា មនុស្សប្រមាណ ២៣លាននាក់អាចត្រូវបានប៉ះពាល់ដោយសារការរញ្ជួយដីដ៏ខ្លាំងក្លា ដែលបានសម្លាប់មនុស្សរាប់ពាន់នាក់នៅក្នុងប្រទេសទួរគី និងស៊ីរីដោយជំរុញឲ្យផ្ដល់ជំនួយរយៈពេលវែង។
មន្ត្រីទីភ្នាក់ងារគ្រាអាសន្នផ្នែកសុខភាពជាន់ខ្ពស់របស់អង្គការសុខភាពពិភពលោក លោកស្រី Adelheid Marschang បាននិយាយថា ការពិនិត្យផែនទីបង្ហាញថា មនុស្សប្រមាណ ២៣លាននាក់នឹងត្រូវប៉ះពាល់ រួមទាំងមនុស្សចំនួន ៥លាននាក់ដែលងាយរងគ្រោះ។ លោកស្រីនិយាយថា ហេដ្ឋារចនាសម្ព័ន្ធស៊ីវិល និងសុខភាពត្រូវបានខូចខាតទូទាំងតំបន់ដែលរងគ្រោះពីការរញ្ជួយដី ពិសេសនៅក្នុងប្រទេសទួរគី និងភាពពាយ័ព្យក្នុងប្រទេសស៊ីរី។
លោកស្រី Marschang បានប្រាប់គណៈកម្មការប្រតិបត្តិ របស់អង្គការសុខភាពពិភពលោកក្នុងទីក្រុងហ្សឺណែវថា អង្គការនេះគិតថា តម្រូវការចាំបាច់ដែលមិនអាចបំពេញតាមសេចក្ដីត្រូវការ អាចកើតមាននៅស៊ីរីនៅដំណាក់កាលដំបូង និងពាក់កណ្ដាល។ ចំណែកលោក Tedros Adhanom Ghebreyesus ប្រមុខអង្គការសុខភាពពិភពលោកបាននិយាយថា ពេលនេះគឺជាដំណាក់កាលប្រជែងនឹងពេលវេលា ដោយលោកបានបកស្រាយថា ទីភ្នាក់ងារសុខភាពរបស់អង្គការសហប្រជាជាតិកំពុងត្រូវបានបញ្ជួនជាបន្ទាន់ ទៅកាន់តំបន់រងគ្រោះទាំងនោះ៕ អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
